Jun 29 – MAIPAKNA YOTSINBA MAPU!

“mahakna asiba adu lomba naidabagi damakta yotsinkhragani,aduga Prabhuna maithong khudingmaktagi pirang sing teithokkhragani. Mahakki misingbu cheibiba adu malemgi leimaidagi mahakna louthokpikhragani, maramdi Prabhuna wa ngangle.  ” (Isaiah 25:8)

Siba haibasi aroiba nate. Jesuna masi potthaba haina kou i. Jesu Christana  asiba asi tumbani haina su kou i. Prabhu Jesuna Lazarus bu asibadagi hinggat hankhi. Mahakna Naingi khungi lukhrabigi machanipa adusu asibadagi hinggat hankhi. Makhoi adu tumbadagi mi amabu houdokpibagumna hinggat hanbirammi.

Taibangpangi mising asina masagi nungshijabasingbu siba matamda yamna awa tengthaba nangi. Aduga makhoibu themjinbiba da awaba oiyi. Adubu Iswargi machasingdi  makhoi masana asibasingga amukka unagani haiba asa leibagi makhoi pukning themjinjei.

Christana taibangpanda lakpagi maram singgi marakta mahakna asibabu maithiba piduna asibabu kiduna leiribasingbu ningkha tamhanba asi amani. Eikhigi Prabhu Jesuna hai, “ eihak hinggatpa amadi hingba ni. Eibu thajaribasingbu sirabasu hinggatni. Aduga hingduna eibu thajaribasingbu keidoungeidasu siraroi. Masi nahakna thajabra?” (John 11:25-26).

Sastrana haina hairiba adudi Jesu na eikhoi mayamgi damakta asibagi mahao tangle.  Adubu mahakna sibagi awaba khangbagi maramna houjik matik mangal amasung ikai khumnabana luhup uppiraba  swardutsingdagi khara nemthahallaba Jesu adu eikhoina ui, sibagi awaba khangba asi Iswargi thoujandagi mi khudingmakki damak mahakna sibagi mahao tangnabani.” (Hebrews 2:9).

Prabhuna anisuba oina lakpa matamda, Christada sikhibasingbu hanna hinggatkani. Maramdi Ibungo masamakna swargadagi khollaoga, athoiba swagadutki khonjen ga amasung Iswargi peresingagi makhonga loinana lengbirakkani, aduga Christada sikhibasingna hanan hougatkani. (1 Thessalonians 4:16).  “Asumna mangba yaba asina mangba yadaba setlabada, aduga siba naiba asina siba naidaba setlabada , ikhraba wasing adu thunglagani, “ ngambada asibabu yotsille.” (1 Corinthians 15:54).

Eikhoigi Prabhu Jesuna  asiba,khamnung leibak amadi Satanbu ngamkhre. Mahakna asibadagi hinggatpana maram oiraga mahakna asiba amadi khamnung leibakki sojei  adu paibani. Mahakna asiba amadi khamnung leibakki sojei paibani. (Revelation 1:18). Aduna eikhoina siba haibasidi kide. Eikhoina sibagi thong adu yeiduna thouna phana haiba yai, “ o siba nahakki namu kaidai lei,o khamnung leibak nahakki lan ngamba kaidai lei.” (1 Corinthians 15:55).

Jesuna asibagi tampak phaona chatle. Mahakki thawai adu Mapa gi khutta sinnajakhi. Humni suba numitta mahakna asibabu maithiba piduna hinggatlakkhi aduga hinggatpasingi marakta mahakna khwaidagi ahanba oirakkhi. Mahakna haraona asumna laothok I, “ eihak lomba naidana hingli.” (Deuteronomy 32:40).

Taibangpangi misinggi damakta asiba haibasi yamna awaba ama oi. Adubu eikhoigi damakta di Prabhuga unanabagi nungaiba thong amagumbani. Masi prithibigi miisngbu swargada youhanba ngamba kairak amagumbani.

Dhyan tougadaba: “Soidana aphaba amasung lengdraba nungshibana itung ingani, eigi punshigi numit singbum pumnamakta. Aduga eina Jehovahgi yumda matam pumnamakta leijagani.” (Psalm 23:6)