Jun 29 – Angante Tnamderan ayam-lingan banabyen!

“Anlen tanamderan a delai, bindo anumdrengan addelalen, anamg’ungan a delai, bindo, san’zdan addelalen” (2 Korintian 4:9).

Bo bernan daku enegoi tamil-lingan, itente banandan adelen ate ‘gurdan tangyale s’idbentenden, lu’ungan gaile panidan delenden’. Agaraman kunina amangdranji gabroile m’angtabenji, amben okij dilen adrabtie gamle. Bindo appai Pol gamle ‘Anlen tanamderan a delai, bindo anumdrengan addelalen’. Kitungan gamle: “gudingihba do Hen d’ongben ablutai”.

Sanenken gamte: “Bera mar-lenji b’ob-len a langka hadaben asan Aman ordele; anlen togin do kanlzngdan a tarangdi lingan sanle a yerre bindo nami Aman d’ong-len erabmuij a darakunaban urunglalen” (Sanenken 66:12).

Nami janang, ateng gadlutabenji, agabroiben do d’ongben kani kuni agamben, orde er marid ganijgijge gijtabenji. Bindo itedeleja gadlulabenji ja, Kitungan d’ongben tandite. Aten asan, akudidongne u’an aparamang galulaben, bindo barij kan ambrij a bernaji do a dirdongne do Kitungan a him-lingan dinaba.

Kitungan gamte: “E Jirusalem, aman dzna, d’ong-ling-nam a durdisolan tuiytuiylen goba; e koijodage dakuten a Sion a insalo-on, sangka-nam a tanolbadanji saring amandaman urre szda” (Jisaiya 52:2-3).

Kanalkal-lingben Kitungan Jisun a d’ong ayimba, kanalkalan do danukkan. Bibolan gamte A d’ongaan mandranji batte janaja adead (Jisaiya 53:3). “Itente Aninate, kuni amangban Anin iyaiten, do a mandradamanji Anin a d’ong ajja-ajji” (Jon 1:11).

Jisu Kristun a d’ong janaja adead mandranji batte. Bindo Bibolan gamte: “Itente arengan adjaedji kun ate a murda a kune arengan dele. Kaninna ate Kitungan lumte, Do kan ate bo surda gaanijtan dele?” (Mattiu 21:42).

“Anten asan Gamangtungan amangban yeraiba. Anin am’eng arengge na. Mandranji batte antate a jardin na anansa dele, bindo Kitungan a ganijgij lingan antate saneda do ateng janattige dele. Bar ambendam am’eng arengge Janggardadage s’ingan a deben asan ganutulan debs. Ambendam Jisu Kristun batte Kitungan a tungna-jana Janggardadage kanuban a kubben asan marid buyanji deba” (1 Pitor 2:4-5).

Tanahimdam Kitungan a onagji, kun janajan adelen akune arengan batte amben amailenpo. Amben, mandrengna arenganji abdete, janggardadage a s’ingan ambrij. Kitungdage a tanimyiman d’ongben babyebenten do dardibenten nami.

Okiy Kinolbe absele: “Amben gusingten a mandranji ambrij dean dele, ayengan arengan abmele, attungne, gamie amben ardele, kun arengan kanin na. Antate abob- dungkj-aran dole” (Anappai 4:11).