Jun 28 – Marid Janggardan a banabyen!

“Bar Hen U’an a d’ong garbertai, do Anin bo bzgarda Danandraban tiytaben, yante gamle Anin tarda ayam amben ampara rapti dakuten” (Jon 14:16).

Kitunglen Jisu Kristun Anindaman banabye do Sanayam-Mar-len, do Anin gadlamle okij aboi Sanayam-maran abmele, Marid Janggardan, Janardin a Janggardan. Yan a rumangdage bagu maneng saring banabye ahangben asan! Anlen gamle raptitabe yan abangsa do banabye Kristu dirna-lingan.

Papwr Anosaij-lingan abaadlohim maranji, bo mandran aa d’ong ababyeben dakuleji. Hanangber-lingan kinol-labenden: “Seletten barokij uyungan a jaita a kuddub er saakkaijan a hatenate hen gijlai. Lanadtzn maranji edatenji do aninji a d’ong a babyeben asan buteja ted” (Hanangber 4:1).

Sanenken Daudo janang gamte: “Bodbodberanji batte uggar-hen palangle do hen tunggerderdage delih” (Sanenken 69:20).

Bindo Tabme Anosaij lingan, Kitungan atanurdun boi boi bangsa do rumangdage dakule dile ayam ahanangna maranji abmele. Buten bute banimbim-lingan dakuleji absamangle abtagorleten. Angante mandranji dulejdaaleji, Anin rumang baran lumle do moloi ajar amandranji a d’ong tiyjumle. Anin sanumanji sagaile. Anin dile mandranji a damba ualle barijloge, parusinji do sadukinji ahanan maraanji sanle. Ajardinna, Jisu Kristun bo baangsa banabyemar.

Ateng mihnum abmang, ganalam maranji bo bigarda desan-lingan, itente amanengba sayu do barij sayu dakule. Anin ateng baran lumleji do ateng baran lumle dakulenji. Tedte-lingan idjaja adakuad arberben abmele, anin handramle anidolan batte appaiberle do adukkariban appaile bo ontidan batte, kun batte arberleji.

Ontidan, raga-batte adsaiad do atanakud-lingan abardule. Ajar ajar atagoran ayirben dakule erkadablenben, ardule a s’inban, kun sidtin batte. Do anin ateng m’oihlen do banabyen hangle, kun sittin ahangben asan.

Kitungan Jisu janang, ruangban yirle, appailai Marid Janggardan, Ruangan a Kukuran hananamaranji amangba. Tanahimdam Kitungan a onagji, Marid Janggardan man’oihle, banabye do Kitungdage aranaptin. Nami janang, Marid Janggaardan, barij abmebenten atanurdun batte do abanabye batte!

Okiy Kinolbe absele: “15 Iten asan gamlenden ‘amben barokij a bantongben asan boantadage a janggardan‘ adhangad, bindo amben lanuda-onggeronan a Janggardan a hangle, do kiln batte anlen, E’Abba! a garamgam, ‘E Uang! gamle garbertabe” (Romi 8:15).