Jun 28 – Ahram Pobitro Atma te!

John 14:16 ami prathana kuribo Baba ke, aru Tai pora dibo apuni ke alag sahayak, ki Tai apuni logote hodai din  karone thakibo.

Ami khan laga Isor Jisu Krista nijor hi Ahram diya laga ru Sahayak ase, aru Tai chinaki korai dishe alag sahayak, jun hi Pobitro Atma ase, atma hosa laga. Kiman bi dangor adhikar ami khan paishe ki duita alag pora ami khan ke ahram dibo! Ami khan kobole pare biswas pora ki dusra dharma pora inika modot dibole napare jinika Christian biswas pora diye.

Purana Niom laga pondit khan, bisari thakishe kunuba ke tai khan ke sahayta dibole aru ahram dibole. Ecclesiastes laga kitab te ami khan pore: “aru sabi! Dabi thaka khan laga suku pani, hoilebi tai khan sahayak nai- dusra phine tai khan ke dabai diya khan logote shakti thakishe, hoilebi tai khan sahayak thakanai” (Ecclesiastes 4:1).

Psalms likha David pora koi: “ami bisarishe kunuba ke jun daya kuribo, hoilebi kun bi thakanai; aru sahayak khan, hoilebi ami ekta bi bisari panai.” (psalm 69:20).

Hoilebi Notun Niom te,Isor laga maujudgi bi dangor ahram aru tasalli diya Tai laga chela khan ke. Tai mushi diye suku pani tai khan laga jun khan duk aru bimar te thake aru changai diye. Jitya manu khan bhukha thake, tai kore achurit kaam aru pet bhorta kore pancha hazar manu khan ke olop khan tai logote thaka pora. Tai satan khan ke khedai diye. Tai Pharisees, seducees khan laga sawal ke jawab diye Tai laga chela khan phine pora. Hoi, Jisu Krista hi achurit ahram diya laga ase.

Bishi saal agete, ekta scientist arctic jag ate jaishe, juntu bishi thanda jaga ase aru borop  hoi jaa sagar khan bi ase. Tai loishe nijor hi bishi experiments khan aru bishi invention bi kuribole parishe. Kile koile utu homoi te sampark kora zariya thakanai, tai itu koth akhan ke letter te likhe aru tai laga maiki ke pothai diye chiriya te lagai kene, juntu tai nijor logote anishe.

Utu chiriya tu kanpi thakishe thanada pora aru ghuri thakishe akash te aru pichete dakshin phine jaishe. Tai hazar mile narukhi kene jaishe,a ru pungchishe utu scientist laga ghor ke aru giri jaishe tai laga maiki usorte, utu letter ke loi kene. Isor laga bacha khan, pobitro atma hi apuni laga anondo ase, ahram ase aru achurit tagot ase. Aji laga din te bi, hobole dibi bhorta Pobitro Atma pora, bhorta kuribole dibi Tai laga mitha maujudgi aru ahram pora apuni ke.

Aji bhabna kuribole laga pobitro kotha tu hoile Romans 8:15 hoilebi apuni paanai atma ke bandhi bona laga aru ekbaar, hoilebi apuni paishe Atma ke junke ami khan kandi kene matishe, “dangor Baba”.