Jun 27 – Tanimyim ayam-lingan banabyen!

“Iten asan gamlenen tanimyimnam asan anlen a karran man’oihan do anumengan daku” (Pilemon 1:7).

Anappai Pol saring Pilemon, obliingle yangam man’oihan panglai a mandrengna-lingan do karran dakule. U’u, ajardinna tanimyiman do sanagalan banbye pangtai bo bigardanji amangling. Bindo Kristun a tanimyiman, banbye do aanirdkan pangtai dile mandranji aamangba. Panara j’enji absamangben yan abangsa. Ateng kanalkal-lingan, bangsalaben do kuddub sanayaman. Itedeleja ateng maandranji babyetabenji; j’e-benji ablulune.

Ateng ayam janang amben angante bigardanji ababyete, bindo ambendaman do hadab beranji handramle adraptie. Anappai Pol gamte, Kitungan sattang babyelangten. Tanimyimdan Kitungan a onanji, dile ayam ogdiba, Kitungan sattang babyelangten gamle.

Agar a dong gijgijba. Anson dakule asarsol-lingan, buteja adsayamadji a d’ongan. Anin anidaman karidale do itente kanalkalanji karidale do Abaram bo d’an sttang tiyle do asui ganaga tiyle. Angante kun ganaga do d’an adtunla’ad, anin ateng dulejdale do argaldale. Anin kun asarsolban idjaja ganagan adhangad, do argalan batte a onan kahidtaben. Ateng asan anin edalen surda saandrangan batte.

Bindo tanimyim Kitunglen adkaridad a d’ongan. Anin bo sanna gamle adgijad, iten asan gamlenden anin aboi boantiboi dakule. Bibolan gamte: “Seletten Kitugan anin a madan abkumadeten” (Aparamangtan 21:19-20).

Tanahimdam Kitungan a onagji, Kitungle sattangted berna oblingte do omdrengte. Bindo babyete, Anin rumangbaran lumte, kuddub kanalkalanji obsadte do anabsittan batte barij abmete. Kitungan a tanimyiman batte d’ongben tangorle do aronoitadan batte hamle orungtaaben.

Okiy Kinolbe absele: “Kitung-ben gamte: Amben babyeba, amben mandra-Henji a d’ong babyeba. Amben Jirusaalem a d’ong babyele opungba do, Anin a snun tanakudan dele, anin a pintun tanabmadan dele; do anindaman a kuddub pintun asan Gamangtungan a s’in saring anin bagu terdeng panadradan hangle” (Jisaiya 40:1-2).