Jun 26 – TEON JUN JAWAB DIYE!

“Ami kandishe Isor ke kilekoile ami laga dukh pora, aru teon jawab dishe ami ke. “Pet pora sheol laga ami kandishe, aru Apuni hunishe ami laga aawaz”(Jonah 2:2

Nabi Jonah girishe dangor sangharsh te tai laga jibon karone; aru tai najane ki koribo. Kilekoile tai mana nai icha ke  Isor laga aru beraishe nagar te  Tarshish laga, jahaz tai berai thaka tu girishe aru hoishe biya; aru hagor bonishe Bishi khatarnaak. Hekh te Jonah ke phelaishe hagor te. Ekta dangor maas gilishe tai ke; aru Jonah phelaishe tin din aru rati pet te utu maas laga.

Bhabna koribi nijor ke utu sthiti te- ekta sthiti jibon aru mrityu laga. Tai pura haraishe sob akha ke jibon laga . Kitab te Jonah, adhyay 2, Byko 1 pora 8, tai koi dukh ke atma laga utu poristhiti te.

Ki thakishe hekh kotha  Jonah laga, hekh te itu anubhav laga. Tai koishe, “hoilebi ami daan koribo Apuni ke awaz logote dhonyabad laga; ami dibo ki ami kosom dishe. Poritran ase Isor laga”(Jonah 2:9).  “toh Isor koishe maas ke, aru itu ulti korishe Jonah ke sukha mati te” (Jonah 2:10).

Apuni hobo pare jinika Jonah aji. Apuni korishe pare kunuba galti khan aru hekh korishe samasya te itu laga natija te. Apuni mehsus koribo pare ki apuni ase pet te narak laga. Apuni harishe pare sob Khushi aru shaanti ke porivaar te, aru napare prashansha koribole Isor ke.

Utu poristhiti te bi, bonabi thik faisla prashansha koribole Isor ke. Inika prashansha misa laga hobo nalage , hoilebi hobo lage hosa aru gehrai pora apuni mon laga.

Ekta boini, chutu bacha logote thakishe measles aru bisna te girishe. Tate kun bi thakanai modot koribole. Tai thakishe Bishi bukhar; aru sabole bi napare bacha ke; na pakai kene khilabole pare mota ke. Tai kandishe Isor  ke aru hude: “kile isor, kile itu Rog lagishe ami ke?” titya  Isor sikhaishe tai ke khali tokri. Teon koishe utu maiki ke, “apuni laga tokri Khali ase, kilekoile tate nai iku prashansha apuni laga mukh te”.  Itu thakishe baro baji rati. Joldh hi utu boini ghutna tekishe aru shuru korishe prashansha koribole aru mahima koribole Isor ke. Tai bhagoria hua karone, ghumai jaishe jitya tai prashansha aru mahima kori thakishe Isor ke.  Jitya Tai uthishe phujir te, tai Khushi pora janibole paishe ki pura changai paishe rog pora. Tai pura taza hoishe. Tate aru bukhar thakanai aru iku measles bi thakanai

Prashansha Khushi kore Isor. Isor thake majete prashansha laga.btai laga atma anondo kore prashansha te gehrai pora ami khan mon laga.

Bacha khan Isor laga, prashansha naam ke Isor laga gana logote, aru uncha koribi Teon ke dhonyabad logote (Psalm 69:30)

Aji dhyan koribole laga Pobitro kotha tu hoile  (Hebrews 13:15) “itu karone Teon pora ahibi nirantar dibo daan prashansha laga Isor ke, ki ase, phal ami khan mukh laga, di kene dhonyabad Teon laga naam ke.