Jun 26 – Ahram Chinta te!

Psalm 94:19 iman bishi chinta khan ami laga bhitorte, Apuni laga ahram pora hi ami laga monk e khushi kore.

Missionary Charles tai laga maiki logote India te ahishe, aru Isor laga mantralay te kaam kori thakishe pura mon aru tagot di kene. Achanak, kiba gau laga samasya karone, tai mora ke pongchishe. Tai laga maiki bohishe tai laga usorte aru aste pora tai laga mota mora ke pungcha ke sai thakishe.

Tai bhabna kuri thakishe ki kiman josh pora Charles tu India te ahishe, aru narukhi kene Isor laga mantralay nimite kaam korishe din aru rati bi. Tai bishi afsos korishe itu ke bhabna kuri kene ki tai laga mota iman ujala hoi kene joli she Isor nimite aru itya tai laga ujala bondh hobole ase. Aru jitya tai morishe, ekta biswasi tate bohishe aru norom awaz pora koishe Charles tu itya Isor laga ghorte jaishe. Utu kotha khan tu ekta dilasa diya laga thakishe tai laga miaki nimite aru tai ke ahram dishe.

Isor tai ase jun hi ahram diye, aru Tai hi ami khan laga suku pani ke mushe Tai laga morom hath pora. Tai kitya bi apuni ke nacharibo dukh pabole apuni laga dukh te ekla. Tai jun hi sob jagate thake lilly phul laga majete, lobo itu kunuba lilly khan Tai nijor nimite. Itu bishi dukh laga kotha nahoi kile koile utu lilly khan aru bi bhal jagate jaishe. Aru Tai laga morom hath pora narukhi kene apuni ke bi ahram dibo. Chela paul pora koi: “Isor pora aami khan ke ahram diye ami khan laga sob dukh te, ki ami khan bi ahram dibole paribo jun khan mushkil te ase, utu ahram pora hi ji pora ami  khan ke ahram dishe Isor pora.” 2Corinthians 1:4.

Apuni ke ahram diya laga alava te, Tai shikhai apuni ke bi dusra ke ahram dibole. Khali manu jun hi inika dukh laga rasta te beraishe, paribo manu khan ke ahram dibole jun hi inika eki rasta te berai ase. Job koi: “ki Tai nijor laga dangor shakti loi kene ami logote lorai kuribo? Nahoi! Hoilebi Tai ami laga kotha ke dyan dibo” Job 23:6. Isor laga bacha khan, jitya apuni iman chinta pora bhorta thake apuni laga jibon te, polabi Isor laga usorte, aru uthabi ampunilaga suku utu pahar te jote pora apuni laga modot ahibo.

“Ami laga modot ahe Isor pora, jun bonaishe swarg aru prithibi” Psalm 121:2. Khali dukh aru chinta laga homoi te, apuni barhi kene jaa dikhibo morom kora Isor laga maujudgi apuni laga jibon te. Kile koile Tai ahram diya laga Isor ase, Tai pora puni laga suku pani ke mushi bo, tai laga morom hath pora.

 Aji bhabna kuribole laga pobitro kotha tu hoile Nehemiah 8:11 “thakibi rukhi, kilekoile din pobitro ase; mon dukh nakuribi.”