Jun 25 – Ahram Jokhom te!

Jeremiah 30:17 “kilekoile ami aru ekbar dibo bhal swasth apuni ke aru changai khuribo apuni ke apuni laga jokhom pora,” koi Isor  pora. Jeremiah 30:17.

Kunuba jokhom khan tu sbole pare aru kunuba khan tu bhbitor laga thake aru utu ke ami khan dikhibole napare. Gau laga jokhom hobo pare aru atma laga jokhom bi hobo pare. Kunuba jokhom tu joldhi borhi jai hoilebi kunuba khan tu nabhure.

Aji Isor apuni phine ase aru koi apuni ke morom pora ki tai pora apuni laga swasth k eke ghurai dibo aru changai kuribo apuni ke apuni laga jokhom pora aru apuni ke ahram dibo.

Isor pora hi lagai dile bi, Tai pora changai dibo. Judi Tai apuni laga pap laga daam loishe koile, Tai morom bi ase apuni uporte ase aru changai kore apuni ke.

Jitya Israel manu khan pap kore, Isor pora tai khan ke bandhi hobole dishe. Hoilebi jitya tai khan itu jokhom aru dukh ke bordasht kuribole napara hoishe aru kandi kene Iso rke matishe, Tai pora changai kurishe tai khan laga jokhom ke aru tai khan ke nijor laga matite ahibole dishe.

Judges laga kitab te, kings khan laga kitab te aru Israel laga itihas te bi itu kotha ke sabit kuri ken ease. Jitya apuni Isor ke sai, Tai pora hi apuni ke changai dibo. Itu karone psalms likha david pora prathana kuri kene koi: “Isor laga daan khan tu bhanga atma, bhanga aru dukh te thaka mon- itu khan hi oh Isor, apuni pora naphelabo” psalm 51:17.

Ekta manu Jerusalem  pora Jericho jaishe jaishe, aru char khan laga majete ahishe jun khan pora tai laga kapra loishe, jokhom dishe aru jai she tai ke adha mora chari kene. Satan bi inika biya chor hi ase, jun pora apuni laga atma ke adha mora chari kene. Tai pora apuni laga khushi aru shanti churai, loi loi apuni laga atma laga kapra mukti ke, aru mora nishina hi chari diye. Hoilebi ami khan laga Isor, bhal Samaritan ase, ahishe manu ke bisari kene jun jokhom hoishe, tai ke morom hoishe, uthaishe, aru tai laga jokhom te tel aru patti lagaishe.

Isor laga bacha khan, Isor hi ami khan laga changai kora ase aru ami khan laga dekh bhal kore. Tai laga morom pora hi apuni laga jpkhom ke hodai bandhe, Luke 10:33-34. Tai jane apuni laga dukh ke aru Tai pora hosa bi apuni ke ahram dibo. Tai pora apuni laga jokhom ke bandhibo aru  bhal swasth dibo gau te bi aru atma te bi.

 Aji bhabna kuribole laga pobitro kotha tu hoile malachi 4:2 hoile apuni ke jun khan Ami laga naam ke bhoi khai Putro Hosa laga uthibo changbai loi kene tai laga pankha  te; aru apuni jabo bahar te mota aru bhal kha guru bacha nishina.