Jun 23 – Ahram Klesh te!

John 16:33 “itu prithibi te apuni khan klesh thakibo; hoilebi khushi thakibi, ami jitishe itu prithibi te”.

Christian laga jibon tu hoile anondo aru vilasita. Pobitro kotha te koi: “Isor pora ahram diye jun khan icha kore thakibole pobitro hoi kene Jisu Krista te tai khan bhugibo attyachar.” (2 Timothy 3:12). Psalms likha khan pora koi: “bishi ase dukh khan hosa thaka khan laga.” (Psalm34:19).

Hoilebi Isor pora ahram diye aru bachai diye itu sob porikha aru klesh khan laga majete. Pobitro kotha te koi: “Isor pora ami khan ke ahram diye amikhan laga sob klesh te” (2 Corinthians 1:4). Psalms likha david pora koi: “iman bishi chinta khan ami laga bhitorte, apuni laga ahram hi ami laga mon ke khushi kore” (psalm 94:19).

Jitya apuni jai thakibo itu porikha aru klesh khan laga majete, Isor laga laga khotom nahua morom, Tai laga gormahat aru dilasa diya hath pora hi apuni ke sida loi jabo. Kityabi Isor pora apuni ke ahram diye Tai laga naukar khan ke pothai kene. Nahoile Tai laga kotha aru bhavisya koa laga kotha pora.

Pobitro Atma hi ahe nichete ekta ahram diya hoi kene apuni ke sukoon dibole nimite. Jitya apuni basha te kotha kure, tate bi alag hi anond aru sukoon ase. Pobitro kotha te koi: “kilekoile itu totlami uth aru alag basha pora Tai pora kotha koribo itu manu khan ke; junke Tai koishe, “itu ahram hi ase ji pora chinta te ahram dibo”. (Isaiah 28:11-12).

Chela Paul pora likhe: “itu karone judi kunuba dilasa lage Krista te, judi kunuba ahram morom te, judi kunuba mila Atma te, judi kunuba ador aru daya” (Phillipians 2:1).

Alag khan pora najanibo apuni laga dukh laga rasta ke. Hoilebi Isor jun pora apuni ke bonaishe, jun apuni ke bisari kene nichete ahishe aru phelaishe Tai laga kimti khun apuni nimite, jane apuni laga sob poristhithi ke.

Tai hi ase jun pora apuni laga sob suku pani ke mushi dibo aru apuni ke ahram dibo mon te. Tai pora apuni ke ama nishina ahram dibo, apuni laga klesh te. Tai dayalu ase apuni ke jinika ekta Baba tai laga chokra ke thake. Jitya Tai apuni laga usorte ahe, sob apuni laga porikha aru klesh khan uri jabo apuni pora alag hoi kene. Apuni laga mon arham kuribo tai laga achurit ahram te aru chamki bo Tai laga achurit ujala pora.

Aji bhabna kuribole laga pobitro kotha tu hoile Romans 8:26 “inika hi, atma pora modot kure ami khan laga komjuri te. Kilekoile ami khan najane ki karone ami khan prathna kuribo lage, hoilebi Atma nijor pora hi itu ekdusra nimite kandi kene koi juntu ami khan kobole napare”.