Jun 22 – SHURU ARU HEKH!

“Ami ase Alpha aru Omega, Shuru aru Hekh, koi Isor “(Revelation 1:8).

Greek te, poila akhor ase Alpha aru hekh akhor Omega. Ami khan Isor ase amikhan laga  Alpha aru Omega. Teon ase shuru aru hekh sob hobdo aru Byko khan majete shuru aru hekh laga.

Teon ase shuru kitab te Genesis laga. Teon ase Ekjon dikhai diya kitab te Revelation laga.  Aru Teon ase ekjon Jun ase tate Genesis aru Revelation.

Kunuba store khan ke naam ase A-Z; hoilebi tate ase Bishi saman khan juntu napai. Kunuba manu khan dava kore ki tai khan sob Jane koi kene; hoilebi hosa te Tai khan najane Bishi saman khan ke.

Manu khan uthai nijor ke inika naam dwara. Hoilebi Isor ekla ase Alpha aru Omega. Surute Isor nirmaan korishe sob Alpha kori kene. Hekh te Teon thakibo hodai din karone Omega hoi kene. Apuni dikhe ki Adam haraishe shurute, wapas dishe manu jati ke kitab te Revelation laga

Alpha dikhai thik ke milai kene Omega te. Greek te ‘Alpha’ Mane ‘Alef’ Hebrew te aru ‘Omega’ mane ‘Tav’. Apuni ke ase ekta alpha: Isor Jane apuni ke agete prithibi laga jor pora. Teon ase ekjon Jun mate apuni ke naam pora ama laga garab te

Teon Khali apuni laga shuru nahoi, hoilebi ase apuni laga hekh bi.  Jitya apuni laga saans chare apuninke, itu hobo ekta Omega apuninlaga jibon te itu prithibi te. Hoilebi itu ase Alpha apuni laga hodai din laga jibon te. Aru tate nai iku Omega utu hodai din nimite. Apuni hobo Isor logote hodai din karone.

Jewish rabbi khan koi ki Adam paap korishe kotha namani kene. Hoilebi Abraham manishe Isor ke Alef pora Tav tok. Itu karone Teon ase amikhan laga atmakarik  ‘burababa’. Jitya apuni Mane Isor laga kotha shuru pora hekh tok, Isor pora ashirvaad koribo hekh tok.

Chela Paul likhe, “Itu karone ami khan bi, kilekoile ami khan ase gherav hoi kene iman dangor badal pora gawahi laga, ahibi rakhibo sob bhar ke, aru paap ke juntu asaan pora bhoi korai ami khan ke, aru ahibi polabo DHOYJYO te itu daur ke juntu rakhishe ami khan karone”(Hebrews 12:1).

Bacha khan Isor laga, Isor ase Alpha aru Omega nahoi Khali prithibi laga jibon karone; hoilebi apuni laga biswas jibon karone bi. Teon ase Ekjon Jun loi jai apuni laga biswas ke aru pura kore itu ke jit pora

Aji dhyan koribole laga Pobitro kotha tu hoile  (Psalm 48:14)  “Kintu itu ase Isor, ami khan laga Isor hodai din karone; Teon hobo ami khan laga dikhai diya mrityu tok.”