Jun 22 – ALPHAN OMEGAN

Darshaner grandh 1 :8 Maaj Alphan Omega, chajakon, rajakon, aayevalo Maaj kan soli sathero Prabhu Dev kerocha.

Greek acharamalama Alpha kajako agediyar achara akharima Omega kajako achara racha.

Apaner Prabhu Yesu Maaj Alphan Omega, chajakon, rajakon, aayevalo Maaj kan soli sathero Prabhu Dev kerocha.

Vu Prabhu Agadiyar grandhema arambha vethanu Darshaner grandh kajako akharir grandhema malam karayojen dekacha. Yee doi grandher vacha vu Prabhu Yekloj dikavacha.

Thodsek angadivuma A-Z kan nam padmelacha lapan sey vasthuvu reni. Thodsek admin manna sey malam cha kan kacha lapan akharima kai malamaj reni.

Manikyavur mot mot namethi badayi karukaracha. Lapan abba Prabhu Yesu Yeklenaj Alphan Omega kan nam cha.

Vu dharghadiyama yee sari srustin thayar kido. Vuj shaswith vagi akharima Omegar nai revalo cha. Agadiyar grandhema Adam gamalidojako sejini manikyavo Darshaner grandhema hoto palidocha.

Alpha vethanu vu bharpur samanavagi Omegathi puro vegocha. Greekem Alpha kajako Aleph kan Hebrew vathema cha, Omegan Hebrew vathema Tav kan kacha. Vu Prabhuj thona Alpha vethanu thona yee dharthir punadhi ghalejer aangaj thar yadir petema huyokoni jera angaj taalidojena dekeja

Vu Prabhu thar jeevanema Alphan Omega ven cha. Thar jeev dagajavajan vu Prabhu yee lokema Omega ven racha. Assal thar jeevano vu hariyar bagema vu Prabhu shaswith vagi Alpha dakal nithyavagi racha, voma Omega reni thuj vu Prabhu vach nithyavagi rechi.

Yuduleval Adamena vu Deven maananaju pap kido lapan Abraham mathram Dever vathen Alephethi pakadan Tav thanu Dever vath manan puro kido kan kacha. Jethij vu hamar athmikvagi Abraham vadbuder Bap kan balamacha. Hava thu sada Dever vathen aarambhathi pakadan akharithanu maanlatho Ajji thar jeevaner akharithanu ashisen Dev denakacha. Jesaruj Aposthal Paul Hebrivalun 12:1

Avada moto gavayir malavo, vadaler nai apanena gheran rethu, soli bhojanan, holeeso halajavajako papena chodden, viswasena shuru karevalon, puro karevalo Yesuna dekethey, apaner aanga melan chajako dhasnema dheerethi dhasa kan ko.

Ajji jada dhyan Karen pado Geeder grandh 48:14 Yee Devaj sey dadumayi apaner Dev vencha, marajethanu vuj Apanen chalayevalo cha.