Jun 21 – Tanungjengan ayam-lingan banabyen!

“Bindo hen ayengan a tangor lingan hatenai, antate Anin galamte, bar Anin d’ong-hen a tungjengten a tiki hen kilai ranan ambrij dunglen yertai” (Ayob 23:10).

Tanungjengan ayam boi boi arasudage. Bo ayam bo tonanan a mandrenga beran gadlamle Ayob ambrij dakule, kanalkalan do tanunjenganji batte dile ayam. Anin rungandale kan ate Kitungan aitsuman orde idja, amandrengnan edana-lingan tum dakule.

Ayob a mandrengna-ling ateng tanungjengan do kanalkal-lingan dakule, bindo kun kudduban tordong abmele adakuad, iten asan gamlenden Kitungan obsadle kudduban. Bibolan a ganalam maranji gamteji akanalkalan tudru angai dakule sattang.

Deljanang Kitungan tungjengle a d’ongan, anin barokij bagu trading hangle. Kan a tiki Ayob bo soa bakurdi mihnum mengle, do anin gijle apasijanji do anab-unji aulen-onanji (Ayob 42:16-17).

Kun saattang ted, Kitungan janang tiyle bo surda tanalmadan Anindaman abmele. Ayob gamle: “Bindo hen galamtai do Tanandz Mar-hen am’eng daku, do takkud ayam lingan Anin ordaran a lanangka lingan tanangte” (Ayob 19:25).

Ayob rabangle adakunaben abmele bibol-lingan. kan ate a jardinna Bibol-lingan Ayob abmele a kinoltaben boi boi bangsadam! Ayob Kitungan amang-ling adirnan dakule do  kanalkalan ayam-lingan saring radudam dele. Anin dirneten do tanungjen-lingan dainan hangtai gamle. A dirnan abmele Anin janang gamle: “Bindo hen ayengan a tangor lingan hatenai, antate Anin galamte, bar Anin d’ong-hen a tungjengten a tiki hen kilai ranan ambrij dunglen yertai” (Ayob 23:10).

Bigardanji adsagalbenjipo tanunjengan ayam mandrengna-ling-ben? Kanalkalan ayam butejapo adsayambenji? Amben edana-lingan dakupo do ogandile gijba kaniji abmele? Kitungan amangba gijgijba.

Anin absamangtaben a s’idaman batte. Amben amukkaban adakuten. Kitungan darditaben tanimyiman batte, do Anin agaja adkaridaben? Nami atanunjenganji dile ayam abmele adakue. Kun kudduban taruban ambrij. Nami a kanalkalanji itente anabpungen dete objongbented.

Tanahimdam Kitungan a onagji, tanunjengben ayam-ling, Kitungan amangba dirdirnaba do rabdutaben d’ongben, Ayob ambrij. Do kanalkal-ling-ben Kitungan babyetaben. Anin sagaltaben do absittataben.

Okiy Kinolbe absele: “A jardina na Gamangtungan Anin a mandradmanji a d’ong timyimle, do Anin a kuddub badloyim maranji Anin a s’I lingan dakuji. Aninji kuddubanji Anin a j’engban turdumleji do Anin amang saring hanangan hangteji” (Bagujuanaber 33:3).