Jun 21 – MARAN PHARAN JEEVYAYOJAKO

Darshaner grandh 2 :8 Agadiyaron pachadiyaron, maran pharan jeevyayojako Prabhu kerocha.

Agadiyar Aposthaler dadema Prabhu Yesu sath sabhavun yekek thara parichaya karlerocha.

Smirna sabhana Agadiyaron pachadiyaron, maran pharan jeevyayojako Prabhu kan kelerocha.

Smirna katho Mysoori vood kan aratham cha. Yena yek jademathi bhar kadach vu narmogharan suvanthen der nai rethanu massaj khato racha. Yeej Mysoori voodena Dusar voodethi bhelan Prabhun hach suvanther bhokano chadavacha, yee apanen  vinathi karajen dekalacha.

Aposthal Yohaner dadema yee Smyrna kajako sabhama massaj Prabhur vasu hathashakshi vejarethey. Vunder viswasema hubrenu katho vunden jada jeevadar shodhanam jarethey janna vunder vinathin kunvatho yek jademathi goondh bhar kadachako Hannu Prabhun ker shuru kide. Vorsaruj Prabhu Yesu vunden Darshaner grandh 5:6 jana yidek, kataayojako yek gorlir pilla, simhasaneran, char Jeeveran, mother vacha hubbejena dito, Gorlir pillana sath seenghan, sath anki ra, vo anki dharthi sari melajako Dever sath Athma cha.

Christhuvaler viswas yekkaj vu Prabhu maran pharan vutan abba hamesh jeevarocha kan kajakoj. Yesu Christhu Mar vasu maran pharan punaruthana ven jeevyayocha kan viswas kareroj. Vuj Prabhu thona sada madath karevalo cha.

Muslim bhayiyur viswas vu masaanemaj racha. Jethi vo vunder bhakthidharer masanevun sundarvagi bhandlen dhoku karacha. Vo Macca madinan jaan dhokero sada masanenaj. Taj Mahal yek jagema ghano achamero bhavanthi vona dholsap chandi dakal bhatavuthi bhandan sundarvagi rathoi vu Shajahaner gonnir masanen herdemellesaruj bhandocha. Hannuj prapanchama ghano mot mot pyramid dekathoi vundema masaanaj racha.

Yesethi apaner Prabhu Yesu Christhur masaan aajethanu vagadanaj cha. Vu masanema Prabhu Yesu Christhu cheni lapan maran masanema ghalan pharan jeevyayojako jeevanero adhipathi ven cha. Aposthaler kam 13:32

Ajji jada dhyan Karen pado 1 Yohan 3 :2 Thu Mar beta, aaj Ma thona peda kido kan Yesuna votadojethi Dev, apaner vadbuden dinojako bachan cha. Premevalavo, abba apan Dever bepta cha, abbepar kim remacha kan vujji malam vikonthi, Athoi vu aan dakavajana vu chajummaj apan vona dekiya jethi, vor nai remacha an malam karlenu.