Jun 20 – KHATOBADASSEMA SAMJAYEVALO

Ruthu 1:20  Manna Nayomi kan balavomath pan Mara kan balavo , kankren katho Sarvashakthiman Dev manna dukhdemelocha.

Khatobadas kajako anubhav apaner aacho jeevanepar pasand chenijumman dukaju karnakacha.

Vachanema Nayomir khato anubhavamena dekacha. Vu Moab deshen Bethlahem deshen chonaken dagargitho votha vor Dhanin doi chora margey. Jethi vor jeevanema vu rand beer vegi ajji vor doi bodibhi rand beer vegi vu paristhithi dadi dadi khatosarik vetho.

Ruth 1:21 vachanema Nayomi vor laar yekkaj Ruth kajako bodi laar ayithi. Von bhaiband puchetho , Ma yethethi geejanna bharpur ashishethi geethi abba Prabhu manna kaicheniju taal hoto layocha. Manna Nayomi kan balavomath ,Prabhu manna jada paricho kidocha. Sarvashakthiman Dev mar vairy vegocha.

Agadiyar grandh 27:34 vachanema sada Yeshavur jeevanema Vor bhai dhoka denako. Vothi vor agadiyar betan aavunu jako ashish ayeniju gamalidotho vu yek khatosarik hargo. Jethij Yeshavu vor bapekan khatovas dukhathi moto daalethi Manna sada maro baap manna sada ashish kar kan ghatto barkayo. Yee mosa kajako Yeshavun vor sonth bhayij kidoju dekacha.

Vimochaner grandh 1:14 vachanema Yisraelevalen Aigupthevalema kam karayeval masaj vela ghaletho jadaj dadi dadi barkaye. Luka 22:62 vachanema Yesu manna malamcheni kan theen haptha labbari kojanna Bhar jaan dall phutan royo kan dekacha.

Yek dad Yisraeleval Mar kajako jagepar ayejanna vunden piyer pani masaj khato vethi,jethi vunden piyer vikoni. Jana Prabhu vunden yek jhad dekalan von vu khato panima ghal kan kojana, ghaletho vu pani piyen meetojarak vegi.

Aaj thar jeevanema sada khato sarik anubhav chakaiko atho Yesuj Vu jhad vethanu kharen kanaken vor badal meetojaraker anubhavmema lejayevalo cha. Yek haptha thu Yesun nammochikatho thar ballasarik chajako sejini kanaken meeto chajako jeevaner nai karnakacha. Mar premer Dever beptavo Vimochaner grandh 15:27 vachanema Yisaraeleval Yelim kajako jagepar aan 12 jheerir athra jada panin ,70 khajurer jhad vu pani kan vo dera ghalan bhesey kaju Thar jeevanema yee khato jathanu meeto avacha dheerethi renu kan ma thona himmath derochu