Jun 20 – Ahram tita hua te!

Ruth 1:20 hoilebi tai koishe taikhan ke, “namatibi ami e Naomi;matibi amike Maraa, kilekoile Pormeshwar pora hi bishi tita pora ami logote lenden korishe.”

Monte tita thaka pora hi hatai diye jibon laga sob akarshit aru khushi ke, aru bonai diye pura jibon dukh te aru khushi nathakha.

Pobitro kotha te, ami khan pure kinika Naomi bi tita hoishe. Tai Bethlehem pora jaishe Moab laga desh te, aru tate tai laga mota morishe aru tai laga duita chokra bi morishe. Vidvaah hoi kene, jun hi jibon bitaishe tai laga duita vidvaah boari khan logote, tai hodai din himon te tita loi kene jobn bitaishe.

Jitya tai ghuraishe Israel laga mati te, khali ekta boari hi tai logote ghuraishe. Jitya tai laga khandan khan pora huda hudi kurishe, tai bishi mon dukh hoi kene koishe: “ami pura ulai jaishe, aru Isor pora ami ke anishe khali. Kile apuni ami ke Naomi mati ase, kile koile Isor pora ami laga khilaf te gawahi di dishe, aru isor pora ami ke dukh dishe?” ruth 1:21.

Inika hi, Esau laga jibon bi tita pora hi bhorta thakishe. Jitya tai laga bhai pora hi taike thogai dishe, tai tita pora hi bhorta hoishe hari jaishe koi kene, kilekoile tai dangor chokra hoa laga hak aru baba laga ashirbad ke harai loishe. Tai kandishe bishi mon tita hoi kene, aru tai laga baba ke koishe, “ashirbaad dibi ami ke- o ami laga baba!” (genesis 27:34). Itu tita hua tu tai laga nijor bhai pora dhokha diya nimite ase.

Ekta Egypt laga kam kora laga malik bonai dishe Israel manu khan laga jibon ke iman tita, naukar bonai kene, bondhi bonai kene aru keid kuri kene(exodus 1:14). Peter bi tita hoi kene kandishe, kilekoile tai Isor ke thukrai she, jun pora taike iman morom kurishe (Luke 22:62).

Aru jitya Israel manu khan Marah te ahishe tai khan Mara laga pani ke khabole paranai, kilekoile itu tita thakishe. Hoilebi Isor pora tai khan ke ekta ghash dikhaishe, utu tita ke bodli kuribole. Jitya utu  gash ke pani te dhalishe, pani tu iman mitha hoi jaishe.

Hoilebi utu din te tai ke kun bi najani thakishe, Jisu hi utu gash ase jun pora bodli kore apuni laga sob tita ke mitha te. Ekbar apuni bhabna kure Isor ke lobule apuni laga jibon  te, Tai pora hatai dibo apuni laga jibon laga sob tita khan ke aru biya khan ke aru bodli kuribo itu ke mitha bonai kene apuni alag jibon te.

Isor laga bacha khan, marah laga tita, apuni laga jibon te, hodai din karone nathakibo aru itu jold hi paar hoi jabo. Pobitro kotha te koi: “titya tai khan Elim te ahishe, jote 12ta kuha thakishe pani laga aru 70 khejur gash; tai khan tate thakishe pani laga usorte.” Exodus 15:27.

Aji bhabna kuribole laga pobitro kotha  tu hoile psalm 84:6 aru jitya tai khan par kurishe rasta Baca laga, tai khan  utu ke phishkari bonaishe; borokhun bi phishari khan ke bhorta kurishe”.