Jun 19 – TEON JUN BERAI AMI KHAN MAJETE!

Isor berai ase majete satta girja laga. Teon Khali nahoi ekta girja aru samaj laga. Teon ase sob girja laga. Teon ase Ekjon Jun Sai, dekhbhal kore aru sikhai girja khan ke. Teon berai apuni laga porivaar te aru kaam kora jaga te bi. Apuni hodai mehsus koribo lage Teon laga maujudgi te.

Tate ase kunuba girja khan Jun phutani kore ki Isor ase Khali tai khan laga girja te aru nahoi dusra ke. Tai khan bhabna kore uncha pora tai khan girja laga aru thake nich bhabna dusra numite. Isor dhure satta Tara khan ke Teon laga dahina hath te, berai majete satta chaki laga. Teon berai majete apuni girja laga; majete atma khan laga. Isor morom kore sob girja khan ke aru dishe Teon laga jibon ke tai khan karone.

Surute, Isor beraishe Adam aru Eve logote Eden bagan te. Teon anondo kori thakishe itu prithibi te Putro khan logote manu laga. Teon kotha korishe aru alochana kore tai khan logote. ‘Isor Pormeshwor Jun berai bagan te’ (Genesis 2:19), te saishe dhyan di kene Adam logote naam di kene sob janwar khan ke aru chiriya khan ke juntu Isor nirmaan korishe.

Bosti khan te, apuni khan dikhe sathi khan ke jai thaka berabole eki logote sham te. Tai khan thake khula alochana sob tai khan laga mamla khan te tai khan mon laga. Kunuba khan jai bahar pabole olop taza hawa. Itu nishina hi, a bipuni khan dikhibo notun shadi kora khan samundar laga kinar khan te, hath dhuri kene aru kotha kori kene ekdusra ke, hasi kene, aru anondo loi kene sath ke ekdusra laga. Ki inika Isor laga rishta ase apuni Isor logote? Ki apuni bi berai ase Isor logote Enoch nishina?

Isor pratigya dishe, “Ami thakibo tai khan te aru berabo majete tai khan laga. Ami hobo tai khan laga Isor, aru tai khan hobo Ami laga(2 Corinthians 6:16).  “Utu din te apuni janibo ki Ami ase Ami laga Baba te, aru apuni Ami te, aru ami Apuni te” (John 14:20).  Pobitro kotha Mane itu kotha ki Isor Khushi pai berabole majete Teon manu khan laga (Mathew 18:20).

Kiman kimti apuni hobo Judi Raja mahima laga, Jun nahoi bhorta swarg khan te, thake aru berai majete apuni laga! Isor koishe moses ke, “jinika Ami berai majete manu khan Israel laga, majete tripol laga, iku moila pabo nalage tate”. Teon hosa te, berai majete manu khan laga.

Ki apuni charibo sob piche moila khan aru koribo ki khushi ase Isor ke ki Teon berabo majete apuni laga? “houlebi jinika Teon jun matishe apuni ke pobitro, apuni bi hobo pobitro sob apuni laga kaam te”(1 Peter 1:15)

Bacha khan Isor laga, na ahibo dibi moila ke itu prithibi laga; aru moila lobh laga icha khan itu prithibi laga ghusibole apuni te aru biya koribole apuni ke.

Aji dhyan koribole laga Pobitro kotha tu hoile  (2 Corinthians 6:17). “itu karone ulai ahibi majete tai khan pora aru hobi alag. Nachubi ki ase moila, aru ami lobo apuni ke”