Jun 18 – TEON ASE MEMNA!

“Dusra din te John dikhishe Jisu ke aha tai phine, aru koishe, “Thakibi! Memna Isor laga Jun loi jai paap ke prithibi laga!”(John 1:29)

John the Baptist paishe ekta khas drishti Isor laga, jitya Jisu ahishe tai te. Itu thakishe drishti ki Isor Jisu thaknai samanya Memna; hoilebi ‘Memna Isor laga Jun loi paap ke prithibi laga. Hoi! Teon ase Memna Isor laga Jun daan dishe Nijor ke ekta paap daan nishina loi jabole paap khan ke pura prithibi laga.

Genesis pora Revelation te, ami khan dikhe ‘memna’ ke bishi jaga te. “janu kene ki apunike bacha nai biya saman khan logote hoilebi kimti khun logote Krista laga, ekta Memna nathaka iku dagi”(1 Peter 1:18-19).   Teon tu khara korishe agete prithibi jor laga.

Judi apuni ase bhal Gyan Isor  Jisu laga, apuni janibo lage kinika Teon ke chunishe agete nirmaan kora laga prithibi ke. Utu Gyan tu achurit aae. Pobitro kotha te koi, Teon khara korishe hodai din pora, shuru pora agete prithibi thaka pora bi (Proverbs 8:22-23).

Ami thakishe moromial Putro Ami Baba laga. “Tity ami thakishe kinar te Teon laga ekta malik kumar hoi kene; aru ami hodai thakishe Teon laga Khushi, anondo kori kene agete Teon laga, anondo kori kene Teon thaka laga prithibi te, aru Ami laga Khushi  thakishe Putro khan manu laga te”(Proverbs 8:30-31).  Agete prithibi jor laga, Isor Jisu thakishe maujudgi te Teon Baba laga ekta Teon moromial Putro hoi kene. Teon anondo kori thakishe prithibi te Putro khan logote manu laga.

John koi,  “Surute thakishe Byko, aru Byko thakishe Isor logote, aru Byko thakishe isor. Teon thakishe surute Isor logote. Sob saman khan bonishe Teon dwara, aru Teon Bina iku bonanai juntu bonaishe”(John 1:1-3)

Chela Paul bi koishe iki tarika, tai laga epistle te Colossians khan ke koishe, “Teon ase chabi andikha Isor laga, poila jonom sob nirmaan laga uporte. Kintu Teon pora sob saman khan nirmaan korishe juntu ase swarg te aru juntu prithibi te, dikha aru andikha, Judi rajyo aru adhikaar khan nahoilebi niom khan. Sob saman khan nirmaan korishe Teon dwara aru Teon karone. Aru Teon ase agete sob saman khan laga, aru Teon te sob saman khan ase”(Colossians 1:15-17)

Iki homoi te, Teon ase Putro Isor laga Jun bhorti korishe nijor ke ami khan karone agete itu prithibi laga jor pora bi. Teon itu karone paishe naam ke “Memna morai dishe prithibi laga jor pora” (Revelation 13:8).

Bacha khan Isor laga, Teon ase Memna morai Diya apuni karone. Itu karone, tate ase khemai apuni paap khan laga. Aru akha apuni aha din laga

Aji dhyan koribole laga Pobitro kotha tu hoile (Revelation 21:23) “Nagar ke dorkar nai Suraj laga nahoilebi chandh laga jilikibole tai te, kilekoile mahima Isor laga dikhai itu te. Memna ase puhor”.