Jun 18 – HAARJAVJANA SAMJAYEVALO

Geeder grandh 21:31 Yudher dadevas ghodena thayar karathoi ,jeethero Yehovaroj.

Apaner Prabhu thar harjayer vatemathi ashisher vatema chalayevalo cha.  Thu mundag jayer vaten kannai thamjomath. Kasen katho thar harjayer paristhithin jeethaju karesaru Prabhu thar sath revalo cha.

Aajkal manikyavo chamker athamthi bhararecha. Ma varu cheniju rogethi padjavunchu kaiko, mar noukary gamalucbu kaiko, mar virodhi kunithoi vutach kaiko,vunder dhani chonaken khano ghaleniju peten marach kaiko, mar chochar chonaken jaye kaiko, ajji mar bhavishyath kaiko kajako masaj dhakethi gabrarecha. Yeseji nirashar mannethi badha padukaracha. Jethij vunden kai chaleniko vor angaj harjavacha.

Kunvatho hargechako vo dee vodi kaam kariye. Voma yek dallema thakjayeron. Ajjek hargejako sey parithithin velathi thoi kashta padan thoi jeethaju ghat mann karlen banchero. Yekkaj thara dikavajako angar yekek cheejen yek vadithi balacha. Dekatho mombathin lagadatho vu theler nai vejavacha. Vuj angar dhuden balatho ghat banda vejavacha. Harjayero kajako sejini avacha,atho vothij vunder jeevanen savaad cheniju khatosarik karlacha. Dever bepta ratho vo sukharijako kholama javathoi Prabhur sahaymethi vona jeevaner nandir nai badlavni karlacha. Yesaruj Prabhu vor jeev thon dinoch kan bhulmath.

Yedoner thotama manikya haraagojako seni malam. Sathaner sosema vu manikya haljathanu haargo. Lapan Prabhu vu manikyan hanuj choden yista vikoni. Vu hargo jako paristhin calvary siluvaper redojako loyeema sathanen haranaken jayamer nai badlavni karnako. Prabhur hathema khiley marakhado vu yek kammar dhudepar kaam karaju cha. Thar harjayer parisththina sey jayamer nai karnakevalo cha. Thar thutgojako jeevanen jodatganu ashisher haandir nai karevalo cha. Mar premer Dever beptavo Prabhu thon kamder handir nai karan krupathi thon ashish karevalo cha.