Jun 16 – PARADAR NAI CHAJAKO DEV

Hebrivalun 6 :19 Vu bharoso Apanen saason, kaaton, paradama jayero Athmar langarer nai cha.

Thu halanaju viswasema ghat hubarnu katho pardar nai chajako Prabhu Yesuthi bhalan sahavasema renu. Kassen katho viswasan nammakam kajako doi bhalmalan racha.

Thar jeevanema avajako velama yee paradar dakal Christhu kajako bhatapar bhandan panima phenknu. Jana velar halolavo Shanth vejavacha.

Massaj bhakthidharevo aradhana Karajana hachas Geeden bolukaracha, vachan padukaracha, godi valan araj karukaracha, ajji Dever sannidhima Dusar vathema vathe karukaracha. Hannu karan Yesu Christhu Prabhu dajako shanthithi vunder dall bharan velan bhul javacha.

Thodsek admi ham Yesu Christhun viswas karacha kan mundethi kevukaracha. Akharima vo seji jaanyakan jathanu maata manthra karlen keni malam cheniju bhuther mathran demelejako doravun sada bhandmelacha. Jaanya kanna ko, Yesu Prabhur kanna ko kathako yek hamen hach vatho dher kan dallema kelukaracha. Vo dee padavapar prayana karnu kelacha. Akharima vunder jeevano anavasarar samasyama halja javacha.

Tamil Naduma theen thara pakalder bagey vathe karukaracha. Vundema yek sibbi, kothi, ajji chapni. Sibhi vor mundethi vor beptan pakalden javacha. Kothi vor beptan ghatto padeniju godema pakaldacha. Vujji chapni kathra admi vona cheti karen dekathoi vu godaparethi cheti jayeniju pakalden racha.

Lapan aaj apan vanchejako vachanema bhatan bhandan pakalden rajako paradan dekacha. Yee parada vodamathi bhar phelavathoi vu massaj ghatto pakalden racha jethi vu voda kadaleniju haaleniju hubaranaj racha.

David Geeder grandh 39:7 Hannu rethu Prabhu abba kaivas vaat deku, thuj Mar bharosa kan kerocha.

Ajji jada dhyan Karen pado Hebrivalun 7:19 Dharamshasthar kunsini barobbar kido koni, pan vothini ghano balaayir bharosena avaju karajako puro karacha, yee bharosethi apan Dever dai amacha.