Jun 15 – Ahram akelapan te!

John 16:32 “aru hoilebi ami ekla nahoi, kilekoile Baba ami logote ase”

Alekapan ane dukh aru thakaan mon te. aru kile koile apuni laga kaam karone, apuni nijor laga porivaar nimite durte thaki bole lage, apuni ekla pora hi, aru itu pora hi mon  dukh diye.

Jitya a mi khan laga porivaar aru morom kura manu khan jai dur jag ate, apuni khan akela hoi jai. Judi bi apuni laga ghor tea lag porivaar manu khan thakile bi, apuni ke hosa laga morom ke dikhai dibole kun bi nathake, aru judi tai khan apuni ke taan koth akhan koi diye nahoilebi apuni laga biya ke koi diye apuni khan nijor laga ghor te bi akelapan ke mehsus kuri thakibo pare.

Inika laga homoi te, kitya bi napahoribi ki isor tu apuni logote hodai din hi ase. Tai laga Milan aru maujudgi hodai din hi apuni logote ase. Tai laga rajyo daya laga hodai din hi apuni pungchibole paribo aru apuni tai logote kotha kuribole paribo.

Jisu Krista itu te hi ghamand kurishe ki tai kitya bi ekla thakanai, kirlkoile tai laga Baba hodai din hi tai logote thakishe. ekta apnapan aru usor laga rishta isor logote thakibole mon hoile, jisu hodai din hi pahar laga uporte jai aru kotha kore isor logote. Ami khan dikhi pai pobitro kotha te ki jitya taike kruste uthaishe, tai narukhi kene isor logote koth akuri hi thakishe.

Enoch tu ekta dangor udharan ase jitya tai akel pan ke khushi laga homoi bonai diye isor logote kotha kuri kene.tai karone itu akelapan laga homoi hi sobse anondo laga homoi thakishe aru tai itu  porikha ke jainai jitu isor ke khushi kure. Tai ke isor laga prabhubhakta matishe, aru aha laga din laga kotha ke jani thaka laga manu, aru itu khan hi pai ami khan pobitro kotha te juntu hodai din nimite yaad kuribole laga ase.

Noah jitya tai utu nao ke bonaishe tai ekla hi thakishe. iman bushi manu khan laga majoote bi tai laga homoi te, khali tai laga porivaar hi khara kurishe isor nimite. Tai ekla khara kurishe aru prachar kurishe iso rlag pobitro kotha ke, aru bhugibole lagishe sob sorom, apmaan aru mazak urai diya ke. Hoilebi tai kitya bi haar mananai. Aru ses te, tai hi jitishe, kiman bi achurit pora aru ghushishe isor laga ark te.

Jacob ekla khara kurishe jabbok karone, bhoi khaikene tai laga dada esau jun hi dusra phine thakishe. tai iku bi anjukta thakanai tai laga maiki laga baba phine pora, kilekoile tai laga porivaar alag pora berai thakishe. hoilebi tai utuhomoi akelapan laga aru bhoi laga cholaishe tai nijor laga labh nimite. Tai  jhujishe isor logote aru mangishe tai laga ashirbaad ke. Aru ami khan jane ki kinika itu akelapan pora anishe dangor badlav utu homoi nimite aru hodai din laga ashirbaad ke Jacob nimite. Isor laga bacha khan, isor pora apuni ke bi ashirbaad dibo, apuni laga akelapan te aru apuni laga monke ahram  hobole dibo.

Aji bhabna kuribole laga pobitro kotha tu hoile john 14:18 “ami apuni ke nacharibo ama baba nathaka khan ke; ami apuni laga usor ahibo”.