Jun 14 – TAI ASE EKTA CHARWAHA!

“Ekta charwaha jinika bisare tai laga bhera khan ke, inika Ami bisaribo ami laga bhera khan ke” (Ezekiel 34:12)

Isor dikhai Teon laga morom ke ami khan karone bishi kisim pora. Pobitro kotha te koi Teon ahram diye jinika ekta ama God(Isaiah 66:13), aru “Jinika ekta Baba daya kore tai laga bacha khan ke, inika Isor Daya kore Jun khan bhoi kore Teon ke” (Psalm 103:13).  TEON ASE bhal charwaha ami khan ke

Psalm 23 ke ase Khali choi ta podh khan; hoilebi sob podh koi bhal charwaha morom ke. David ghoshna korishe tai laga biswas ke aru koishe, “ Isor ase ami laga charwaha. Ami aru nalage”. Judibi tai thakishe charwaha, tai nomro korishe nijor ke Memna nishina. Jani kene ki tai hosa te dorkar lagi thakishe ekta charwaha, tai chunishe  Isor nijor ke tai laga charwaha hobole.

Jinika David chunishe, Isor manishe hobole Tai laga charwaha. Isor Jisu koishe, “Ami ase bhal charwaha. Bhal charwaha diye tai laga jibon ke bhera khan nimite”  (John 10:11).

Lagi thakibi Teon te aru Teon laga pratigya khan te,  aru koi, ‘isor Jisu, Apuni ase ami laga charwaha. Apuni ase ami laga. Aru ami Apuni laga. Ami arpan kori ase  nijor ke pura apuni ke Isor ‘.

Jitya ekta charwaha ke ase Khali ekta bhera, itu charwaha ke mate ‘raai”. Judi tai ase Bishi, tini tai ke mate ‘Raathan’. Psalm 23 te, David koi jinika Tai ase Khali ekta bhera dyan te Isor laga.

Judi ekta charwaha ke ase Khali ekta bhera, utu bhera pai pura morom aru dhyan ke charwaha laga. Tai dibo pura morom ke utu bhera te pura din te. Hoilebi Judi ekta charwaha ke ase sau ta bhera tai laga dhyan te, tai naparibo pura dhyan dibole Judi eekta bhera bhangishe tai laga theng nahoilebi bimar te.

Judibi Isor nirmaan korishe pura prithibi ke, Tai dhyan rakhe apuni ke niji hisab te. Tai jaishe bisari kene ekta ekla Samaritan maiki ke. Tai jaishe kuha te Bethesda laga bhal koribole ekta Manu ke bimar pora 38 saal tok. Tai jaishe pura rasta mora Hali laga desh te gadarenes laga lok koribole Khali ekta Manu ke Jun ke lagi thakishe jhundh moila atma pora. Tai bitaishe rati nicodemus logote. Sob itu ghatna khan dikhai kuman Isor dhyan kore sob Jon nimite niji hisab te, pura dhyan di kene.

Isor koi, “jitya apuni paar kore Pani pora, ami thakibo apuni logote; aru nadi pora, tai khan paar nakoribo apuni ke. Jitya apuni berai jui pora, apuni najolibo, na jui pora apuni ke kala koribo” (Isaiah 43:2).  Bacha khan Isor laga, kilekoile apuni ase Teon laga bhera, Teon pora bachabo apuni ke; rakhibo apuni ke; aru bukibo apuni ke.

Aji dhyan koribole laga Pobitro kotha tu hoile (Psalm 23:2) “,Teon bonai ami ke ghumabole Hara ghas te; Teon loi jai ami ke sthir thaka Pani kinar te”.