Jun 14 – CHOKTHABA MATAMDA PUKNING THEMJINBIBA!

“Mahakna asonba misingda panggal pibi,aduga matik leitaba misingda mahakna panggal hengathanbi.” (Isaiah 40:29).

Thamoida chokthaba haibasi Satangi khutlaisinggi marakta maru oiba amani. Mi amabu kaya matik asengba punshi hingba tarabasu Satanna mahakki thamoida chokthaba puraktuna,mahakpu pukning hanthahanduna mahakki wakhalda chingnaba amadi wahang kaya pokhanbi.

Matam amada maichou Elijah adubu adugumlaga chokthaba aduna mahakpu yomsinkhi. Mahakna Iswargi damakta achou achouba thabak adu pukchel sengna touramba tarabasu,mahakna athingba kayasu maiyoknaba takhi. Maharani Jezebelna mahakpu hatnaba koi thi thirammi. Madugumlaba wahei tabadagi mahakki thamoida chokthaba hourakkhi. Mahakna lamhangda chattuna Iswargi maphamda sinabagi damakta haijaduna asumna hairammi, “masina okle! Houjikti O Iswar eigi thawai asi loubiro, eihak ipa ipusingdagi karisu ahenba leitre.” (1 Kings 19:4).  Adubu madugumlaba awaba aduda Iswarna mahakpu thadokpiramde. Iswarna mahakpu thougatpikhi, aduga panggal su hapchinbikhi.

Iswarna Elijahgi thawai bu thougatpinaba amadi thanggatpinaba du tama thabirakkhi. Duttuna Elijahda houdoktuna chak chanaba haibirammi. Aduna mahakna chakhi,thakkhi aduga amukka tumthakhi. Adubu tumnaba amadi thaknabagi khaktada Isawrna mahakpu chinjak pikhiba natte. Aduna Iswargi dut tu anisuba oina laktuna mahakpu houdoktuna asumna haiki, “hougattuna chak charo, maramdi nahakna chatkadaba lambi asi yamna sangli.” (1 Kings 19:7).

Dut aduna Elijah aduda houdokpiba adugumna Iswarna nahakpu ngasi numit asida nahakki chokthaba adudagi houdokpiribani. Nahakki thamoida chokthaba purakpa pukning hanthaba amadi hiram khudingmaktu nahakna langsekkhro aduga Iswargi thougan gi damakta amukk hougatkhro.

Umaibi aduna wanglaba chingsang pareng mayam bu yengduna mathamoida karisu akiba phaodaduna mahakki masa tingthoktuna wangna paikhatli. Umaibi adugumna nahakna su wangna  paikhattuna Iswargi damakta nganthoigadabani. Nahakki mit adu chingsang mayam duda thamgadabani.

Iswargi panggal ga loinana nahakna chatkadaba lambi adu yamna sangli. Thawai mayam adu masing thiba ngamde, aduga loubuk adusu lokkadabana thalle. Iswargi machasing, nakhoigi chokthabadagi hougatkhro. Elijahgi chokthaba louthokpiramba Iswarmak na nahakki chokthaba louthokpiraga nahakpu themjinbigani.

Dhyan tougadaba, “adubu Iswarda ngairiba mising aduna makhoigi panggal tekkhat hangani,umaibi amagumna wangna paikhatkani,makhoi chengani  aduga chokthaba touroi,makhoina chatkani aduga  awaba leiroi. nt” (Isaiah 40:31)