Jun 13 – YEK BAPER DAKAL

Geeder grandh 103:13 Bap vor betana daya dakalaju, Yehova vor dhakethi chajen chajen daya dakalacha.

Yek yadir prema samjathanu khyal karajema dekacha. Lapan Bap kajako hacho kam karan beptan palajema dekacha. Ye doyir premethin kastathij bepta palan yek mot Sthayima lejayer sadhya vacha.

Ye jagema baper premethin jada prem karan khyal karevalo apaner Prabhu Yesu. Vona Bapu kan balavatho dher vor dall karag javacha. Jethij vu Prabhun Mar Bap kan balayer hakkam demelocha jethij apan vona Bapu kanan paramema chajako Bap kan balarecha. Vona vor bepta apaner ser kaklothi malam cha.

Mar dharthir baper ghali ma ghano Yesu Prabhun dhanyavad kevunchu kasen katho vu Manna jada  prem kido,rakshan palen vu Dever sevama vetho, vu Dever bhakthima chalan manna sada vuj Dever bhakthima chalayo. Mar Bap hamnen hacho vanchathanu hamar jeevanen  yek hachas Sthayima laayo.

Yee Dev Yesu Christhu yee loker bapema athra jada beptan prem karer dekalmeloch katho ajji khasa vu Dever dallemaj vujji kathra jada premen apanepar melmelocha kunaka? Vu Dev apaner bapethin jada apaner velabhavetimathi chodathanu, sey vagathema samjavnin dethanu khyal karevalo chajethi Yeshaya 54:17 vachanema thar virodhvagi rupsijako kunsi thalvar thameni kunvatho thar vumpar doshmen kemelechko vunden thuj never dadema nera sthapana karechi kan bachan demelocha.

Yee dharthir Bap rathan Diyya angaresarik thavademan, dhudema Ajji neend cheniju kasta padan vor beptan palan hacho padavacha. Yek bapen Mar beptan hacho kaman melnu kan hacho malam pan kunsi bepta thoi vunder bapen dhanyavad kethanu arathamaj karleniju banchrecha.

Yek baper nai Yesu Prabhu apanen paldevalo cha. Kanna vu Prabhu bodha karrotho ko votha ayejena massaj bhuklagrithi kan malam rethanu vu Prabhuj vu gatlar jagema 5 baati 2 maalithi 5000 hazar admi khan migaliju karan vunder peten bharo kan dekacha. Vu Dev asmaner pankarevuna, ajji jeevarasivunaj palan posaroch katho Ajji thon dekenika?

Ajji jada dhyan Karen pado Zephanya 3:17