Jun 13 – HUNDOKPIBA MATAMDA PUKNING THEMJINBIBA!

“Eigi Iswar, eigi Iswar,eibu kari thadokpikhrabano?” (Matthew 27:46).

Punshi asida nungshijaba misingna eikhoibu hundokpiba haibasi nungaiba karisu leite. Mapuroibana hundokpikhraba nupi adugi phibam adu kayada nungshinigai oigani. Atoppa n nupiga leiminnaba adu. Aduga mama mapa sikhraba angangsing sorok lamjaoda koichat chatpa adu yenglaga kayada nungshiningaino?

Mi amagi punshida mahakki nungshijaba mising imunggi misingna mahakpu hundokpa matamda mahakki thamoi asi kaiduna lei.  Madugumlaba phibamda nahakna karigumba   tarabadi nahakpu keidoungeidasu hundokpiroidaba Iswaru yengbiyu.

Karigumba matamda Iswarna nahakki haijaba adu tabidre haina khallamba matamsu leiramgani. Adubu achumba adudi: “Iswarna nahakpu keidoungeidasu hundokpide. Davidna asumna hairammi, “adubu dharamchenba mi bu hundokpiduna leiba eina thengnadri. Aduga mahakki Charon suronsingna su chak niba oina leiba eina udri.” (Psalm 37:25).

Nahakki marup mapang natraga imunggi miisngna nahakpu thadokpiramlabasu yai,adubu Prabhu Jesuna nangbu keidoungeidasu thadokpiroi. Matam aduda Simon Peterna Prabhuda yengkhattuna asumna hairammi, “Prabhu eikhoi kadomda chatkani. Nahakna lomba naidaba hingbagi wahei leiri. Aduga nahak asi Iswargi macha nipa Christa aduni haiba eikhoina khangle.” (John 6:68-69).

Nahakpu mina hundokiraga pukning  wana leiriba matamda Jesuna nahakki awaba  adu khangbi maramdi mahak hundokpikhraba Misak amani. Mahakna Crossta khamthengna waramba matamda aduda Mapa Iswarda khonjel wangna asumna  hairammi, “Eigi  Iswar, eigi Iswar, karigi eibu thadokpikhrabano?

Taibang mi amadi Ipa Iswarna mahakpu thadokpiduna awaba ikaiba khudingamkta nangkhi. Mahakki thawai adu khamthengna siba phao awaba khangkhi. Aduga mahakki seboksingna mahakpu thadokkhi.

Mangondagi kannaba phangkhiba mi khudingnasu asumna  laoduna haikhi, “mahakpu crossta pang tingu, cross ta pang tingu.” Mahakna aphaba toukhiba khudingmakki mahutta ikaiba karemnaba phangkhi. Jesuna akhaba tenggot adu eikhoigi damakta Crossta khangbikhi.

Hundokpikhraba misingbu pukning themjinbiba Iswar aduna nahakpusu thanggatpigani aduga konsinbigani. Psalmist aduna asumna hairammi, “eigi ima ipana eibu thadokpikhrabasu Iswarna eigi damakta yengsinbigani.” (Psalm 27:10).  Iswargi machasing, Iswarna nahakpu keidoungeidasu thadokpiroi,aduga hundu  hundokpiroi.

Dhyan tougadaba, “matam khragi damakta eina nahaku thadokpikhi,adubu achouba nungshi thoujangi mapanna eina nahakpu konsinbigani.” (Isaiah 54:7)