Jun 13 – CHODAJAVAJANA SAMJAYEVALO

Mathai 27:46 Mar Dev Mar Dev kassen manna haath chodo.

Apan kunas vagathema rathoi apanen prem karevalethi cheti vejamajana ghano badha lagacha. Yek gharevali vor dhani chonaken ajjek thandrithi ratho vo gharevalin kathra jada dukha lagach kunika. Ajji yadi baap marjathanu  bazareman roddeper chodjamlejakoner chachabarer ghosa kuriya kunika.

Yek manikya vu prem karevalan,vor dosthi,ajji motmot chonakatho kathraiko vor dallema hayi lagacha. Thu kannathoi assa vagathema gochikaiko atho thu karnu jako kam kaikatho thon kannai chodenijako Yesu Prabhun deknu.

Yekek vagath mar arajen samadhan malikonthi kelechi kaiko . Prabhu kerlcha thon kannai chodoni kan. Jethij Geeder grandh 37:25 vachanema Daveed kacha Ma nankya vetho abba budpaneroi vego. Pan niyathedhar dikku cheniju vejenan ,vor valadeval baativas bheek mangejen dittokoni.

Thar dosthivon thar bhaiband thon adabima chonakiya kaiko pan Prabhu thon chodeni. Yohan 6:68-69 vachanema Aposthal Pethru Yesu bapun dekan Prabhu ker dai jaama? Thar dayij sashwith jeever vaath cha . Thu Dever Pavithar  kan ham namman , valakmelecha kan ko.

Aaj thu kunas vela hayima jarochiko vuzeji Yesu bapun malam kankren katho ,Yesu bapu sada vu siluvaper Bapethin manikyathi cheti vego jethij Mar Dev Mar Dev kassen manna haath chodo kan barkayo. Athra jada thatta karalero vu ghano maan maryadin gamaleroj. Vu Prabhur jeevada ghano badhathin marjayer paristhithima vethi. Vujji Vor chelavo chodan vikaran dagargey.

Kunvatho Prabhur vadithi Phaido pamelechko voseji , ” siluva ghalo , von siluva ghalo” kan barkarey. Vu Prabhu kidojako heryek hach kamer badal bhanda kahdo . Sasij Yesu Prabhu vu kudiro kacholin yee thara apaner yekeki saru pader vegi. Geeder grandh 27:10 vachanema thon kunthoi chodan jaye pan ,thar maabaap  thar hath chodathoi ,  Prabhu thona dai karacha.