Jun 12 – YEK YADI DAKAL

Yeshaya 66:13 Yek yadi samjavaju Ma thona samjavuchu, Yerushalememaj tham samjavnin palocho.

Yee lokema masaj thara prema cha. Dosthivo yekena yek prem karacha. Hanuj sambandama yekena yek premathi bhalan racha. Gharwalo vor gharevalina viparithavagi prem karacha. Prema kajako thando chodan samajamana chodan deshamen chodan massaj Vatema jarijena dekeja.

Ye sey premethi jadha yee lokema  yadir premena motas Kan dekeja. Yadir premethin Ajji jadha Yesu Prabhu prem Ajji Jada haye premena apan anubhava karer yekaj koni pan Apanen badlavni karacha. Ye premema thyagamcha, vu ghano papen map karacha.

Papema banchotho Jako yek manikyana yek dad sapno padithi vu kai katho Yesu bapuna massaj admi balan siluva ghalo kan barkarethe. Vundema Yeklo suthey ajji theekas chajako cheelavo lelen athanu siluva ghalen ayo. Vona Yesu katho jada rees karotho. Atho Yesu  vor sam dekan ghano premethi dhayathi Mar beta thona Ma prem karrochu kan balayo. Aathoi vor dall ghano reesethi bhata sarik vethi jethi

Vus reesethi Yesu bapuna siluvama dhoi hathema cheela  marnako maro. Hanu margojana Loyee ayi. Ajji massaj mayima khile maran gaddam khincho. Athra vela ghalrothoi vona Yesu Prabhu dekan hey maro beta thona Ma prem karrochu kan hakamaro.

Yee sapnemathi bhar athanu vu athra  vela ghalajako kunkan dhundena shuru kido. Theera dekatho vu kuni koni vuj kan valak lido. Janna yek haptha vor Matho kam kido koni. Kassen katho maj ka athra bhayanakkethi Yesu Prabhun vela ghalajako kan Vorvuj papethi kidojako vu ghoramen dekan vathoi Yesu Prabhu Mar beta thona Ma prem karrochu kan balayo vu thyagamena herde lalen vothaj godi vakani vor papen maap puchlen vu Yesu Christhur vadithi papen maapi maglen jannaj rakshan palido. Jannathi vu yek moto Dever sevak vethanu vagath cheniju seva kido kan dekacha.

Ajji jada dhyan Yirmia 31 :3