Jun 12 – TEON ASE EKTA AMA!

“Jinika ekta Jun ke tai ama diye ahram, inika Ami ahram dibo apuni ke; aru apuni hobo ahram Jerusalem te”(Isaiah 66:13).

Itu prithibi te, ami khan dikhe Bishi kisim laga morom khan. Sathi khan dikhai morom ekjon dusra jon ke. Tate ase morom juntu ulai porivaar laga rishta khan logote. Mota khan thake morom tai khan maiki nimite, aru inika alag alag ase. Morom dikhe Bishi kisim te, iku himina nathaki kene jaga, jaat aru nagirikta laga.

Sob morom khan majete itu prithibi laga, ekta ama laga morom ase sobse mahaan. Morom ami khan Isor Jisu laga ase tulna koribo napara, sob ke paar kori diya itu morom Khali santusht Kora nahoi ami khan ke hoilebi porivartan more ami khan ke. Itu balidaan Diya morom ase ji pora dhakai kuti kuti paap khan ke.

Ekbaar, ekta Manu Jun thakishe paap te Bishi saal nimite paishe ekta sapa. Utu sapna te, kuti kuti manu khan matishe jor pora suli te chadabole Isor Jisu ke. Majete tai khan laga, ekta manu bebohar korishe Bishi krurta por Jisu phine. Tai anishe lamba, junga gojal khan aru martol suli te chadabole jisu ke. Tai thakishe pura bhorta ghrina logote jisu karone. Hoilebi Isor Jisu saishe tai ke iman morom aru Daya logote  aru koishe tai ke norom awaz pora, “ami laga lora, ami morom kore apuni ke.” Hoilebi, utu mon krur manu laga norom huanai olop bi. Bhorta khong pora, tai gojal marishe hath ke jisu laga kruste. Khun ylaishe hoilebi utu sipahi nirantar Mari thakishe gojal ke. Hoilebi pura Shanti pora, saishe tai ke aru koi thakishe, “ami morom kore apuni ke, ami laga lora.” Hoilebi utu Manu nirantar Mari thakishe gojal ke theng te Isor Jisu laga. Tai thukishe Isor te aru tanishe Tai laga dari ke bi. Hoilebi Isor koi thakishe, “amu morom kore apuni ke ami laga lora”.

Utu Manu Jun paishe sapna ke achanak uthishe sapna pora; aru Tai icha korishe janibole pehchan ke utu krur manu laga Jun suli chadaishe jisu ke kruste. Aru tai laga dukh te, tai janishe ki itu kun bi nahoi hoile tai nijor. Jitya Tai janishe ki tai hi thakishe utu Manu Jun krurta pora gojal lagaishe Isor Jisu ke kruste , tai paap khan logote. Tai hoishe achurit milabole napara morom logote jisu laga. Jitya Tai janishe kiman dukh Tai dishe Jisu ke utu krur kaam khan pora, tai Bishi dukh hoishe. Utu din, tai pachtaishe aru inika hoishe ki utu din thakishe tai poritran paa din. Tai bonishe sevak Krista laga, kaam kori kene nirantar Isor karone Bishi saal tok.

Bacha khan Isor laga, Calvary morom ami khan Isor Jisu Krista laga ase ekta upai sob apuni samasya jibon laga. Utu morom porivartan koribo paribo apuni ke ekta notun manu te. Itu ase niswarth morom juntu diye poritran paapi khan ke; aru dhoka kora khan ke bi. Utu morom paar kore ekta ama laga morom ke bi.

Aji dhyan koribole laga Pobitro kotha tu hoile (Jeremiah 31:3) ase “hoi, Ami morom korishe apuni ke hodai din laga morom logote; itu karone morom Daya ami tani she apuni te”.