Jun 12 – Danukkan ayam-lingan banabyen!

“Danerder lingan m’oihnaba. Kanalkal lingan sayenaba. Garber lingan tordong ayam erztnage dakunaba” (Romi 12:12).

Judanji a Marid kamb’ol-lingan, anidolan dele: “E mandra, ite-a danukka-lingan janang dirnaben absiddong. Mandran a dirnna absidbenten ite-dele janang doidamnaben adnang orde buteja akadhidtenji ayam. Iten asan gamlenden atanakud-lingan janang Kitungan rubmang baran lumte do ablutaben.”

Anlen kinotabe danukka maran abmele, bibol-lingan. a hangan gudingle Jabes gamle, iten asan gamlenden arasudan batte akudlen asan. Bindo anin amandrengnan danukka batte a dakunaben adnidsumad. Anin Kitungan a d’ong gudingle gamle, “E Kitung, Aman absitta-ih absitta-ih bar tannod-hen abl’anga; do s’i-Nam hen ampara dakunete. Do yante gamle hen anasudan adhangai, kun asan Aman anerszn saring rabrabih. Bar itente anin labyu garberre, antate Kitungan anin a d’ong tiyle” (1 Birinda 4:10). Kun a dinnan saring, kuddub a danukkan sidle. Do anin ateng anabsittan batte barij dele Kitungan amang saring.

Nami janang, ateng jananb-lingan mandran dukkadateji, Sion lingan buten buten mur murloge abmetenji Kitungan ansaeten, dile mandran saring. Kitungan gamle, Anin apaille: “bar Sion a edana maranji apsele a tabngijben asan kumaban a panardu langga tanoltolan, cel edanan a panardu man’oihan a miholan, do danukka janggardan a panardu sanensenan a sindrin a tiyben asan Anin d’ong-hen appailih; yante gamle GAMANGtungan a ganugun dete, anten asan aninji ranoitadan a nebanji do Anina kutta, gamle panemengan dete” (Jisaiya 61:3).

Sion aboi barun, uante anlen tanangtabe Kitungan aamurkundardangan batte (Anabpungge 14:1). Butente Kitung-lingan tanangteji, a j’e-linganji danukkan dakute, bo bigardanji a d’ong arungben abmele. Kitungan jabable mandranji a d’ong bo murdadage lanuman alumben asan, man’oih miholan do aabm’oihben abmele atanurdu-lingan.

Mojes gaarberle: “Dajingte dinnan Aman d’ong-len kanalkalan tiylalen, do dajingte minhum anlen er banangsan a gijlai, dijte ayaman man’oihan tiylen” (Sanenken 90:15). Didargamben ambrij Kitungan bagu tardin absittataben. Angante amben akinolte Ayob abmele, amben agijte ateng danukkanji do ateng kanalkalanji. Bindo a dirnan anabsidad, a dukkarin janang mahangle do angle. Amben janang dirnanben absiddong. Kitunglen sattaang danukkan do arasudan ayam-ling babyelangten. Do kun abmele omdile dakkubenten, yaryarmanengban.

Bibolan gamte: “Bindo Kristun onan ambrij Kitungan a s’mgan a lanangkaban demadage dele. Bar bogad.anlen a tanakud sikkoi ja damarder len a anumangan do kinsan erztnage hamle a dakkulaienden anlen na Anin a s’ingan” (Ebri 3:6).

Okiy Kinolbe absele: “E GAMANGtung, Aman lippa-hen habmangte. GAMANGtung-hen, Aman lanungud-hen E abpuangte” (Sanenken 18:28).