Jun 09 – Butente Absitalangten!

“Bar ayengan a labo lingan amben angaja abbara-ad, do ayengan a gardanji amben aggutulad, anta a labonji do a gardanji Hen d’ong-ben tiylai. Nami amben tetten a basute. Do ayengan alanumanji saring drakiyan do ayengan a nebanji saring jiton amben a jumte, antate amben agguad” (Josua 24:13).

Sanabyun batte yira. Kitungan a bernan batte bo surda banabyen hangtabe. A bernan er-disamdage a suyeman Kitungan d’onglen atiyaitenan ate. Kitungan a bernan batte mandrengna hangle. Kitungan Israelanji amangban gijgijle, Barij danukkan batte unji soa mihnum saring.

Ateng misor lingan a dakulenanji ate, Do Anin sibdaiberlen amangbanji, Bar d’ong-ben Misor a kanal kalan saring rabraban rabrable Kananiyanji, Ittinji Emoranji, Prij-inji.

Ibbinji do Jibusanji a desaban manan, ardub adangda tarunggal desaban urungte Gamle Hen gab-rij’elenai, Kan ambrij Anin jzbjzble, angante kuddubanji Kinaniban arungan deleji barij a danukkanji saagaile.

Kun asurdaa suyeman asan aninji m’oihdaleji. Amben janang butente butente danukka-lingan dakuji a d’onganji babyebaji, Kitungan sayamle. Ayengan a mandra banagge maranji a d’ong sintate. Anin man’oihdam; anin a kanalkal ayam lingan.

Gamangtungan anin a d’ong rabrabte. Amben agalamtepo yangam danukkan mandran amandrengn abs’ite. Ateng enegoinan ate amben agalamte. Bibolan gamte: “Mandran a j’e lingan kanuddin anin a d’ong ablaginte. J’e-ben babyete, do danukkaben abkaridate.

Dile ayam kinolba, kuddub danukaben sagaite. Do man’oihan barijloge ahangte. Satid samoih-hen ayam lingan kanin na banabye-hen. Anosaai-Nam d’ong-hen abadlzngtih. Bakurdi gonta dingtaben kuddub bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan. Orde bokurdi dinna, bogad amben.

A kinollenden bagu-gonta dile dinna-lingan. Amben bo tagor bibolan a kinol asusulenden, monaben babyete, babyele (Pilipi 4:19).

Bartabmete janggardadage a amndrengna. Iten asan gamlenden aparamangtan dajing bernan anidan dele. Angante amben akinolte Kitungan abernan barokij barokij. Dijte – bernan anion a hanangan asan anidan dele.

Yante ‘- gamle anidolberan a uywb-sanayen do banabyen. Batte anien danerderan rapti hangtabe”, barij bibolan kinolle atiyj’e-naben dete. Tanahimdam Kitungan a onagji, Kan batte amben surda banabyen ahangte. Aninna sattang badrijte asuyeman do a tanurdun batte.

Okiy Kinolbe absele: “iten asan- gamlenden amben Gamangtung-len Jisu Kristun asuyeman. abmele a galam. Anin bittidam . dele janang den amben apsele banaggedam dele, yante ganle Anin a banaggegodan batte amben bittidam rapti a dete” (2 Korintianji 8:9).