Jun 08 – THARVASU HAKKAM DEVALO

Luka 12:7 Thamar mather latta sey ganaan cha, jethi chamakmath, ghane chalkodithini tham sresta cha.

Massaj admi kai kacha katho vu Deven thodsekenaj khyal karacha, kassen katho kathako asmanema yek jag betocha, kunvatho mot sevak chako vunder araj mathramaj samlan vundenaj vuncho padukaracha kan kevu Karacha.

Thu sada vu Dev Mar samasyan dekeniju mundo pherlerocha, kassen Dev Hannu thado karrochko malam cheni? Yesu Prabhu Luka 12:6-7

Dee pissana panch chalkodina vechacha konika? Vundema yek thoi Dever aanga bhulayeni. Thamar mather latta sey ganaan cha, jethi chamakmath, ghane chalkodithini tham sresta cha kan ko. Yee vachanema chaju yek haptha sos karatho kai kam denijako chalkodinaj khyal karrochkatho Ajji thon kathra jada khyal karrocha ko herdemellenu. Khali thar mather lattana saha khyal karroch bhlokonthi.

Yek bhen Mar dai athanu Mar mundepar chajako gumdivun dekan massaj rees karrocha, Ma kai karnu kan puchitho Ma vu bhenen dekan thar thuj sammor karlen voma kaithoi sammorethi chenikatho vunden chonaken vu nankya reda mot reda Deven dai araj karan vu Prabhur vathesaru ghasan dek . Vu Prabhuj thona vur rupema thayar karan vor sonth betir nai thona dekrocha. Thar samasya kai rathoi vu Prabhun karsakker hathayeni athra koni kan kan salaha dino.

Yirmia 29:11 vachaner prakar thar bagey Dev massaj soch karroch vo soch hachenaj lapan mandevasu koni vu thona bharoso dethanu thar jeevenen ashsis karevasuj kan Dev koju aaj thar velabhaveti kathra moto nankya rathoi vu Prabhur pagema laan araj karastho thona chavunujako haraam samadhan malacha

Ajji jada dhyan Karen pado Yirmia 29:11 vachaner prakar thar bagey Dev massaj soch karroch vo soch hachenaj lapan mandevasu koni vu thona bharoso dethanu thar jeevenen ashsis karevasuj