Jun 07 – TEON JUN BACHAI!

“Teon Jun pare rakhibole apuni ke gira pora, aru dikhabole apuni ke galti nathaka agete maujudgi te Teon mahima laga paar kori Diya anondo logote” (Jude 1:24).

Itu ase dangor sob pratigya khan pora. Judi apuni biswas kore aru Mane itu ke, Isor Jisu Krista rakhibo apuni ke gira pora. Hekh te bi jibon laga, Teon rakhibo apuni ke galti nathaka agete maujudgi te Teon mahima laga Bishi anondo logote.

David bonaishe ekta iki kotha biswas laga: ‘hosabi bhal khan aru Daya piche hobo ami laga sob din khan te ami jibon laga; aru ami thakibo ghor te Isor laga hodai din” (Psalm 23:6).

Mrityu laga homoi te Bishi pondit khan koi, “thakibi, ami dikhe duth khan ke”. Kunuba koi, “ami dikhe Rath gari swarg khan laga hai thaka niche pora” . Kunuba bondh kore suku khan ke tai khan laga, aru koi, “Jisu, apuni laga hath te ami arpan kore ami laga atma ke.” Tai khan laga hekh thake Shanti te.

Pobitro kotha te koi, “Mark dagi iljam nathaka manu, aru sai thik thaka ke; kilekoile bhavishya utu Manu laga ase Shanti” (Psalm 37:37).  Tai khaan Jun berai rhik pora fhusibo Shanti te; tai khan ahram koribo tai khan laga bisna te (Isaiah 57:2)

Tai laga mora bisna te, mahaan manu Isor  laga, D L Moody koi, “prithibi ase chari kene aru swarg khule. Itu ase ami laga jit; mrityu din!”  itu hekh laga hobdo khan ke koi kene, Tai bondh korishe tai laga suku ke Khushi pora.

Hoilebi jitya paapi khan more, tai khan ase ahram nathaka; aru tate nai iku Shanti tai khan te. Tai kandibo aru kobo, “aya, mora atma aru biya khan niche mati pora tani ase ami laga theng ke jui te. Bachabi ami ke”.

Jiyabi ekta pobitro jibon, ekta jibon biswas laga, aru jibon prathana laga ki apuni sahaa pora samna koribo aha ke Isor laga, nahoile mrityu, juntu ahe agete.

Ami hunishe kunuba ke koa: “ami lage komse Kom choi mohina tayar koribole aha te Isor laga. Ami fhusibo Isor laga maujudgi te sapha kori kene sob kaam khan ke porivaar laga aru rakhibo thik ami laga jibon ke”. Inika manunkhan kitya bi tayar nahibo lok pabole Isor ke Teon aha te, jiman bi Isor pora barhai lebi homoi te anugrah laga; na hoilebi kiman bar Teon bachai le bi tai khan ke dorja pora narak laga. Tai khan laga atma khan lagi thakibo mati te aru tai khan hodai hi chinta koribo prithibi saman khan ke.

Bacha khan Isor laga, Judi apuni arpan kore nijor ke pobitrota te aji, Teon pora bonabo apuni ke dagi nathaka jitya Teon ahe. Hobole dibi ekta hosa icha apuni mon te pabole aha te Isor laga.

Aji dhyan koribole laga Pobitro kotha tu hoile (2 Timothy 1:12) ase”itu karone ami bi bhugishe itu saman khan ke hoilebi ami nohoi sorom, kilekoile ami Jane Jun ke ami korishe biswas aru ami mani loishe ki Teon pare rakhibole ki ami arpan korishe Teon ke utu din tok”.