Jun 06 – TAI JUN KORE CHINTA!

“Jitya Jisu dikhishe tai ke giri kene tate, aru Jane ki tai aghe pora inika halat te ase bishi din pora, Tai koishe tai ke, “ki apuni bhal hobole mon Jai?” (John 5:6)

Isor mate apuni ke naam pora morom logote; Tai ase ekjon Jun uthai apuni ke. Tai ase ekjon Jun bonai apuni ke mahima janak aru prashansha janak. Tai bi chinta kore apuni karone.

Jitya Jisu ahishe pukhuri te Bethesda laga ek din, Tai dikhishe ekta Manu ke giri thaka tate. Aya, tai thakishe bimar 38 saal tok; aru tate kun bi nai tai ke chinta koribole. Toh tai saishe Jisu ke dukh pora aru koishe, “malik, ami ke nai manu dhalibole ami ke itu pukhuri te jitya Pani guli ahe; hoile jitya ami ahe, dusra kadam barhai ami agete” (John 5:7).  Isor saishe utu Manu ke junke nai chinta koribile kun bi; aru tai laga akelapan te, aru hudishe, “ki apuni icha kore bhal hobole?” Tai thakishe Daya Tai te aru changai korishe tai ke chamatkar pora.

Aji bi Bishi manu bhuge akelapan pora. Ekta burhi maiki, koishe dukh pora tai mon te, “Sob ami laga bacha khan bahar desh te thake;  aru ami thake akela. Tate kun bi nai amike hudibile, morom koribole aru dekha bhal koribole ami ke”

Ekta boini Jun harishe Tai laga mota ke koishe, “malik, ami laga mota thakishe Zinda, toh Bishi khandaan khan ami khan ke lok kore. Hoilebi jitya tai morishe, tate kun bi nai hudibile ami ke aru dekhbhal koribole ami ke”

Pobitro kotha te ami khan porhe ekta Samaritan maiki laga kotha, Jun shadi korishe panch baar tai morom bisari kene, Panai hosa morom ke. Tai samaj laga Sai kene berai thakishe. Hoilebi jitya tai lok paishe Isor Jisu ke, tai paishe poritran. Tai poriborton bi korishe tai ke evangelist hobole kobole susmachar ke.

Bacha khan Isor laga, Isor Jisu ase Khali ekjon Jun morom kore apuni ke hosa te; aru Tai nacharibi kitya bi. Chakhibi aru sabi ki Tai ase bhal. Ekbar mehsus koribi Tai laga maujudgi ke, sob bhabna khan ke apuni akela pan laga Hari jabo.

Kun bi chinta manu ke dhuri thaka jhundh Satan pora aru jiyai Mora hai te. Tai thakishe pagla manu aru jokhon kore nijor ke junga pathor logote. Judibi kun bi chinta nakore Tai ke, jisu chinta kore tai karone aru hudishe, ‘ki ase apuni laga naam?’ (Mark 5:9). Tai dishe ekta notun jibon. Tai ulai khedai tai pora aru bonai tai ke ekta notun manu. Utu Manu pahoranai sob juntu Isor Jisu korishe tai karone. Tai ghurishe Tai laga ghor te, aru jaishe nagar te Decapolis laga, aru ghoshna kore sob bhal saman khan ke Isor pora tai karone kora ke aru bone ekta mahaan sevak Isor laga.

Bacha khan Isor laga, apuni chakhishe morom ke Krista laga, thakibo lage hosa chinta dusra khan karone; prathana koribo lage tai khan karone.

Aji dhyan koribole laga Pobitro kotha tu hoile (John 10:10)“Ami ahishe ki tai khan jiyabole, aru ki Tai khan thakibole bharpurn pora”