Jun 06 – KHYAL KAREVALO DEV

Yohan 5:6  Vu suthojena Yesu dekan-ghan varser dokkethi padocha kan malam Karan, vona dekan – varuven asa chakai kan pucho.

Premethi Yesu thona nam padan balathanu vuj thon vuncho padevalo cha. Vu Prabhuj thona mahimar nai Ajji sthuti karevalo dakal rakadevalo cha.

Yek dad Bethesda kajako kundekan aayojana  38 varsethi dokkethi votha paderotho, vu Prabhun dekan Bapu panina halavajana manna kundema lejan chodevalo koi cheni, Ma javu jer aanga vujjek mar anga vuthar javacha kan ko. Jana vu rogevalo Yekloj vela karrocha kan malam karlen Prabhu vona dekan – varuven asa chakai kan pucho? Vaar vumpar Prabhun vethijako karunathij vu varu vero acham kalar kamena kido.

Aajkaler dadema sada massaj admi yeklej vethanu vela karukaracha. Yek bud yadi Mar bepta sey paradeshema dagargecha, abba ma kunik thoi premethi balavajena, varu chikai kan balavatho dher kan asa karrichu kan kelayi.

Yek bhen, mar dhani banchan vethojana seji athanu bhalmalan hachethi vethe. Kanna Mar dhani margoko jannathi yek thoi athanu varu chikai kan bolayevaloj cheni kan ki.

Samariyar thandri von chavunujako premen palenu kethanu 5 dhanin karlen chonaki. Athoi vu samajema keri premen paldikoni. Jena Prabhu vor kan jathanu vor jeevanen badlavni karan rakshan dethanu vuj yek hach khabar kevalir nai thayar karnako.

Mar premer Dever beptavo thona saasij prem karevalo vu Yesu Prabhu Yekloj, kuna Thar hath chodsthoi vu Prabhu thona chodeni. Vu Prabhu bhari hacho kan thu savaad karastho Ajji thar vontarithana dhasan dagarjavacha.

Mark 5:9 vachaner prakar Yeklo masanema phartho sotho, latha cheniju Vorvuj bhatathi marlen kuni bhandathoi chodalen dagarjarojen dekan Yesu Prabhu vor dai jathanu premethi thar nam kai? Kan pucho.

Vorema vethijako sathanen dabanaken navvo jeevanen denako. Yee acham kalar kamena dekan vu manikya Yesu Prabhun bhuleniju viswasethi rethanu, Decapoli kajako Vor thandema Prabhu Yesu kidojako khabaren kevajema mot sevak vethanu sakshir nai thayar vego.

Ajji jada dhyan Karen pado  Yohan 10 :10 Chor chorenan, marnakenan, haal karena avachapan, dusaro kunsi vasi ayeni, pan Ma gorlina jaan malenan, vu bharpur vena aayo kan Yesu Prabhu ko.