Jun 06 – Butente Sagalangten!

“Jisun anin a ludludan gijan g’ijle, do anin tetten ateng ayam andreng dakule, antate galamle, anin a d’ong gameten, Sanamangan a deben itsumte po?” (Jon 5:6).

J’e-ben babyete, do danukkaben abkaridate. Dile ayam kinolba, kuddub danukaben sagaite do man’oihan barijloge ahangte, Satid samoih-hen ayam lingan.

Kanin na banabye-hen; anosaai-Nam d’ong-hen abadlzngtih. Bakurdi gonta dingtaben kuddub 38 bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan. Orde bokurdi dinna, bogad amben a kinollenden bagu-gonta dile dinna-lingan” (Jon 5:7). Amben bo tagor bibolan a kinol asusulenden, monaben babyete, babyele bartabmete janggardadage a amndrengna? Iten asan gamlenden aparamangtan dajing bernan anidan dele.

Dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe”, barij bibolan kinolle atiyj’e-naben dete. Kan batte amben surda banabyen ahangte.

Aninna sattang badrijte asuyeman do a tanurdun batte. Aten asan Anappai Pol man’oihan batte aadhimle. Barij banabyen a Kitungan na”. Bindo a karidadong kan abmele bo bardika sattang ayam abmele”.

Iten asan gamlenden Kitungan kuddub kanalkalanji sabgaile d’ongben babyete. Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Aninna sanayaman do Anina banabye. Bibol-lingan anlen kinol-labe anappai Pol sattang abadyead bindo Anin bigardaji.

A d’ong janang babyele’. Anin gamle: “Iten asan gamlenden kuddub kanalkal-ling-len Amn babyetalen. Yante gamle itente a hanabyen Kitungan batte anlen banabyen detabe. Kitungan banabye Kitungan, kun batte dile kanalkal lingan a deten.

A mandranji a d’ong anlen rapti abbabyetabe. Banabyen’ gamlenden sanabyun do ranabdun pangtai. Kitungan d’onglen tiylai sanabyun, lanabyun do banabyen. Daudo, a d’ong Kitungan batte dile ayam banabyen dele. Kitungan amangban gijgijle? (Mark 5:9). Barij-j’en batte m’oihlen gamle: “Angante hen sintatenai do kuditenai, seletten banabye-Nam pwrarda-hen abm’oihte. Amben ateng ayam danukka do kanudi-lingan dakutaben. Kun anogandin batte ambendaman abkalkaldamten. Iten asan gamlenden alumlen a pintun do apangsardin asan. Kun ayamlen kalobori arakkadangan aimben dete.

Tanahimdam Kitungan a onagji,  do Jisun Kristun amangba gijgijba. Bindo bangsaberan anin a d’ong abm’oihte.

Okiy Kinolbe absele: “Jumbwr maran a jumbwrben, a kabhidben do abs’zdben asan maih yertai, antate sadan sadle anin adniyai. Yante gamle aninji mandrengnan rapti hangteji, do awrdage antate rapti hangteji, kun asan Hen yerrai” (Jon 10:10).