Jun 04 – DAYAVALO DEV

Geeder grandh 145:9 Yehova sena dayaro cha, vor karuna vu banayojepar cha.

Dever bagey gen ghano achanak cha. Mosen vu Dev karunavalo chakan Malam. Vu Dev karunavalon DAYAVALO kan Mosen dekallino. Kunvatho vu Devethi sahavas karachko vunden vu Prabhur karuna kathra jada chako malamvacha. Dimovupadesher grandh 7:9, Aposthal Paul 10:38 vachanema tharo Prabhu karunavalo kanan vuj Dev kan malam karlo vona prem karan vor namen mahima karachako vunder 1000 valadevaleni karuna dekalevalo cha. Asso tharasethi chajen vu Prabhu daya dakalena vu Prabhu kannai thayar ven racha.

1 Timothy 6:16 vachanema vu Yekloj moth chenijako, koi thoi dai jayer sakkenijako vajalema vassevalon, manikyama koithoi dittokonijakon, koithoi deker venijako vonaj ghanathan, shaswith thakath veda, amen.

Vimochaner grandh 33:19 Mar sey hach panen thona dakaluchu, Yehova kajako maj thona prakat karluchu, Ma karuna dekalevalen karuna dakaluchu, kedvadi karuna dakaluchu ko vonaj karuna dakaluchu kan Prabhu kerocha.

Kunvatho Mosen Prabhur hach panen dekallinoko hannuj Agadiyar grandh 5:24 vachanema Hanok Devethi chalojethi Prabhur hach panen dekallino. Vuj Agadiyar grandh 6:9 vachanema Noha Devethi chalojethi Dev vor hach panen dakalo. Yakob 2:23 hanuj Abraham Deven viswas kido, vona vu niyath vegokan, kajako Dever vath puro vegicha, vu Dever dosthi kan keraldoju apan sada Devethi sahavas karan vu Prabhu dakalajako dayana karunana palevaler nai renu. Vu Abrahamen vor budapanema Issac kajako ashiser betana dino. Yee Abrahamepar Dev dajalojako daya karunathij vor valademathi ayejako Yisraelevalen dudan magnaler ghee radan jayer deshenaj bachanethi denako voma vo ghade koni Jako khayer mouka palde.

Panchmo Athmar phal karuna kan cha. Daya, kanikaram, krupa yee theeni karuna kajako vather arathamethij cha. Gener vath 19:22 manikyama renujako asa vu daya dakaleroj. Yohan 14:13 Tham Mar namema kai punchathoi, Bap Betama vena vona karuchu.

1 Timothy 6 :17 Sokkethi phaido karlen soli tharar bhalayina Apanen bharpur devalo cha

Ephesivalun 4:32 Yekkethi yek dayathi dall vutharan chalthe Christhuma Dev thamen maap kidoju thamsada yeken yek map karo.

Ajji jada dhyan Karen pado Epheseivalun 1:6 Vor dayar khathrer nai apan Yesu Christhuthi, vor sonth beptar nai angaj taallidocha.