Jun 03 – AWABA MATAMDA PUKNING THEMJINBIBA!

“nahakna mitseng khangu aduga tuminna leiyu,nahak kiganu aduga pasu pakhatkanu.” (Isaiah 7:4).

Eikhoigi Iswarna eikhoibu awaba amadi chanrangnaba matamdasu eikhoibu pukning themjinbi. Eikhoigi nungaitaba pao taba matamda eikhoigi thamoi asi wai, aduga kari tougani haina eikhoi langtaknei. Nahakna thamoida khamthengna waba matamda Iswargi menglaba khonjel aduna nahakki thamoida nganglakkani, “nahak mitseng khangu aduga tuminna leiyu, aduga kiganu pasu pakhatkanu.”

Ahanbada Kiganu haina Iswarna haibi. Satanna thajaba amagi thamoida hulliba maru adu kiba haibasini. Nahakki thamoida akiba charangnaba pokhalli aduga akonbada nahakna Iswarda thamliba thajaba adusu manghalli.

Sastrada kiganu haiba asigi wahei asi 366 lak uba phangi. Masi chahi chuppa eikhoina ngakkadaba amani haina louba yai. Sastrana hai, “nahakki thamoida kiganu aduga wasu waganu.” (John 14:27).  “nahak kiganu…eihak asi nahakki chunggoini,aduga nahakki mana aduni.” (Genesis 15:1).  “nahak kiganu aduga asa su manghanganu, maramdi Iswarna nahakpu loinabi.” (1 Chronicles 28:20).

Anisubada,nahakpu tuminna leinaba Iswarna hai. Mioibagi masagi oibagi apamba asi  potthaba naidabanina tuminna leiba haibasi lubani. Adubu Iswarna nangggi damakta thabak tourakpa matamda nahakki awaba potlum mayam adu mangonda langsingadabani.

Mosesna Israel machasingbu ingthana leinaba haibirammi. Iswarna nakhoigi damakta lan soknabigani,aduna nakhoigi  ingthana leibiyu.” (Exodus 14:14).  Iswargi maphamda khudingmak pisinjaro aduga haijabada leppa leitaba oiyu. Aduga Iswarna nanggi damakta lan soknabigani aduga achouba lan ngamba adu oihangani.

Ahumsubada Iswarna nangbu thamoida pukning hanthaganu hai. “aduga Iswarna asumna hairi, “yengu eina Ziongi maphamda  nung ama yumpham oina thamle,madu thajariba mi aduna hathu hathu thabak touroi.” (Isaiah 28:16).  Sastrana hai,  awaba numitta nahakna choktharabadi,nahakki panggal adu yamna solli.” (Proverbs 24:10).

Iswargi machasing,nahakna awaba thengnaba matamda nahakki thamoi amadi wakhalda chokthaba touganu. Iswarda mapum phana ngajou.  Nahakna naitom taraga leibagi maramna chokthaba oirabadi Iswargi machasinggi pumphamda     chatlu. Aduga Iswarna makhoigi mapanna nahakpu pukning themjinbirakkani aduga bor su pibigani.

Dhyan tougadaba, “maramdi Iswar na  asumna haibiri,nahakna eignodna hallaktuna pottharabadi nahak kanbiba phanggani. Tuminna thajaduna leibasi nahakki panggal oibani.”  (Isaiah 30:15).