Jun 03 – Ahram Dukh te!

Isaiah 7:4 dhyan dibi, aru chup thakibi; bhoi nakuribi arum on dukh nakuribi.

Ami khan laga isor ami khan ke ahram diye dukh aru chinta laga homoi te. Jitya bi ami khan biya kobor pai ami khan dukh hoi jai, ami khan laga mon bikhai, aru ami khan hari kene thake aru ami khan ki kuribo lage. Jitya apuni iman dukh pai apuni laga mon te, isor laga norom awaz apuni ke kotha kure: “dhyan dibi,a ru chup thakibi; bhoi nakuribi arum on dukh nakuribi”

Poila, isor pora apuni ke bhoi nakuribi koi. Bhoi hi sobse poila guti ase zeher juntu satan pora ekta biswasi laga mon te dhali diye. Tai pora bhoi aru dukh apuni laga mon te dhali diye aru ses te apuni laga biswas Isor uporte harabole diye.

Pobitro kotha te itu shabd “bhoi nakuribi” ke 366 bar likhi ken ease. Aru ami khan itu kotha ke dhuri kene thakibo lage, saal laga hodai din nimite. Pobitro kotgha te koi: “hobole nadibi apuni laga monk e dukh, nahoilebi itu ke bhoi” john14:27. “bhoi nakuribi…..ami apuni laga kawach ase, apuni laga dangor uphar” genesis 15:1. “bhoi nakuribi nahoilebi mon chutu, kile koile isor Jehovah- apuni logote ase” 1 chronicles 28:20.

Dusra, isor apuni ke hude rukhi thakibole. Ile koile manu jati tu hoile tehrav nai, itu bishi mushkil hobo rukhi thkaibole. Hoilebi jitya isor  apui karone kam kuri ase,apuni dibo lage sob dukh aru bhar khan taike aru rukhi thakibo lage.

Moses pora Israel manu khan ke koishe tai khan lag shanty ke dhuri rakhibole. “isor apuni karone lorai kuribo, aru apuni shanty ke dhuri rakhibo” exodus 14:14. Dibi sob isor ke aru prathana narukhi kene kuribi. Aru isor pora hosa bi apuni karone lorai kuribo aru apuni ke jit dibo.

Tisra tu hoile isor pora apuni ke mon chutu nakuribi koi. “itu kaorne, isor jehovah pora koi: “thkibi, ami thaki ase zion te pathorjor bonabole, ekta cholai thak pathor, ekta kimti kona laga pathor, ekta mazboot jor; jun pora biswas kure tai jolbazi nakuirbo.” Isaiah 28:16. Pobitro kotha te koi. “judi apuni behosh hoi dukh laga homoi te, apuni laga tagot tu chutu ase” proverbs 24:10.

Isor laga bacha khan, behosh nahobi nahoile bi bhagor nalagibi jitya dukh apuni tea he. Pura isor ke nirnhar kuribi. Jitya bi apuni laga mon bhuli jai apuni ekla thaka homoi te, polabi isor laga bacha khan logote bhal homoi prathana laga shikai diya laga thkibole. Aru isor pora apuni ke dibo ahram aru morom tai khan pora aru apuni ke ashirbad kuribo.

Aji bhabna kuribole laga pobitro kotha tu hoile Isaiah 30:15 koi inika isor Jehovah pora, pobitro ekta Israel laga: “ghura te aru ahram te apuni bachibo; chuppi te aru atma biswas te apuni laga tagot hobo.