Jun 02 – DEVER VATHETHI SAMJAAVANI

Geeder grandh 119:50 Dever vathaj maar velama manna samjayicha,Thar bachan manna jaan dinicha.

Apanen Dever vathaj samajavacha. Yee Dever vathemathi Dev jada krupan derocha. Daveed Raj Vu Prabhur vatha manna jaan dinicha kan kerocha.

Dev 400 Varsethi jadaj Aigupthema vethejako Yisraelevalen herdelalino. Vimochaner grandh 3:17 vachanema Dev vunden dekan bachan dacha,  Ma thamen Aigupthemathi chodan Cananevalan Amoriavalan, Perijjiyavunthin, Hivvivalan Jebusiyavalan dai laan Dudan ghee radan jarijako Deshen devunchu.

Geeder grandh 41:1 Vachan kaju Garibena sayi vevalo nashibdhar ,aapthir vagathema Yehova vona chodavacha. Yernaij Prabhu Aigupthemathi sey thara velathi taalan Canaanen layojen dekacha.

Gener vath 12:25 vachan sada Dev kacha, Manikyar daller bhada vona hinjaraju karacha. Pan hach vathey vona khushina dacha. Katho thon ayijako velamathi taalojako Dever vasu thu masaj admivur mundag gavayi kechi. Geeder grandh 119:50 vachanema  chaju Dever vathaj maar velama manna samjayicha,Thar bachan manna jaan dinicha.

Dever vathen thu kathra jada dyan karan padechiko athra jada thar dallemar velan sejini bhulajavju karach. Sari Bibilena vanchen 40 ghanta lagiya, katho yek daden yek ghanta padatho 40 dadema Bibil sari vanchnakeja. Ajji thu 2 ghanta padochikatho 20 dademaj puro kareja.

Sasij thu Bibil dyan karesaru thar vagathen dinochi katho vu vathaj thon samjathanu thar athmik jeevanen navvo karacha.  Romans 15:4 Aposthal Paul lakkacha, Kimkatho khamlajeman bharoser vena penamar grandh sey seekvadi dena lakkan  cha .

Ajji jada dyan karen pado. Geeder grandh 119:105 Thar vath mar vatena vajalo, mar taangena diyo cha.