Jun 02 – Butente Mariddam!

“Butente mariddam do jardidam, butente Daudon a ranzsangan hangeten…” (Anabpungge 3:7).

Kitungan a bernan batte bo surda banabyen hangtabe. A bernan er-disamdage a suyeman Kitungan d’onglen atiyaitenan ate. Raja Daudo gamle Kitungan a bernan batte mandrengna hangle. Kitungan Israelanji amangban gijgijle, barij danukkan batte unji soa mihnum saring ateng misor lingan a dakulenanji ate.

Do Anin sibdaiberlen amangbanji, gamle (Hanagaod 15:11). Bar d’ong-ben Misor a kanal kalan saring rabraban rabrable Kananiyanji, Ittinji, Emoranji, Prij-inji, Ibbinji, do Jibusanji a desaban manan, ardub adangda tarunggal desaban urungte, gamle Hen gab-rij’elenai? Kan ambrij Anin jzbjzble, angante kuddubanji Kinaniban arungan deleji barij a danukkanji saagaile. Kun asurdaa suyeman asan aninji m’oihdaleji!”.

Amben janang butente butente danukka-lingan dakuji a d’onganji babyebaji, engale Kitungan sayamle (Sanenken 99:5). Bibolan gamte: “Ayengan a mandra banagge maranji a d’ong sintate, anin man’oihdam (Sanenken 22:3). Anin a kanalkal ayam lingan Gamangtungan anin a d’ong rabrabte. Amben agalamtepo yangam danukkan (Abbakuk 1:12).

Mandran amandrengn abs’ite, ateng enegoinan ate amben agalamte. Bibolan gamte: “Mandran a j’e lingan kanuddin anin a d’ong ablaginte.

Bindo bangsaberan anin a d’ong abm’oihte. Angante amben akinolte Kitungan abernan barokij barokij, j’e-ben babyete, do danukkaben abkaridate. Dile ayam kinolba, kuddub danukaben sagaite do man’oihan barijloge ahangte (Jon 17:11).

Satid samoih-hen ayam lingan kanin na banabye-hen (Lebi 11:45). Anosaai-Nam d’ong-hen abadlzngtih. Bakurdi gonta dingtaben.

Kuddub bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan. orde bokurdi dinna, bogad amben a kinollenden bagu-gonta dile dinna-lingan (Bagujuanaber7:6)

Amben bo tagor bibolan a kinol asusulenden, monaben babyete, babyele bartabmete janggardadage a amndrengna. Iten asan gamlenden aparamangtan dajing bernan anidan dele, dijte-bernan anion a hanangan asan (2 Korintianji 7:1).

Anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe”, barij bibolan kinolle atiyj’e-naben dete (Mattiu 5:48). Kan batte amben surda banabyen ahangte. Aninna sattang badrijte asuyeman do a tanurdun batte.

Tanahimdam Kitungan a onagji, Gijgijba, ayengan amihaman alale ate.

Okiy Kinolbe absele: “Anten asan yante gamle Jisun janang a mihamdaman batte mandranji a d’ong rapti abmaridte, kun asan gardan a garannan a baiyeran kanabhidan dele” (Ebri 13:12).