Jun 02 – Ahram Isor laga kotha pora!

Psalm 119:50 itu hi ami laga ahram ase ami laga dukh te, kile koile apuni laga kotha pora ami ke jibon dishe.

Isor laga kotha ami khan ke dangor ahram diye. Tai laga kotha ekta unginat khemai ase juntunisor pora ami khan ke dishe. Raja david koi ki kotha  isor laga dishe taike jibon.

Isor saishe itu bacha khan ke Israel te, jun khan dukh paishe 400 saal pora bi bishi Egypt laga mati te. Aru tai taim khan ke kosom dishe itu koi kene: ami apuni ke ulai dibo dukh pora Egypt laga ekta matite Canaanites aru Hittites aru amorites aru perizzites aru hivites aru jebusites laga, juntu mati bhorta hoi dudh aru shehed pora exodus 3:17.

Jinika tai kosom dishe, sob dukh khan Israelites khan laga loi jaishe jitya tai khan ke anishe canaan laga matite. Tai khan khushi thakishe itu ashirbaad pora. Apuni khan bi modot kuribo lage tai khan ke jun khan dukh te ase, jinika isor pora dukh  homoi te modot kurishe. Pobitro kotha te koi: “ashirbaad ase tai jun hi dukhiya khan ke mane; isor pora tai khan ke dukh laga homoi pora ulabo”  psalm 41:1.

Apuni kehosabi nalage example khan kinika dukh pora manu khan ke digdar diye, apuni nijor bi inika homoi kiman bi paar kurishe pare. Pobitro kotha te koi: “shanty  nathaka manu laga mon te hoi chinta khan pora, hoilebi bhal kam khan pora khushinkure” proverbs 12:25.

Jitya apuni isor laga kotha pure bar bar, itu verse khan apuni ke ahram diye apuni laga mon te, aru modot kure apuni ke pahoribole apuni laga sob chinta khan dur kure. Jitya bi apuni pure, itu pora hatai diye apuni laga dukh khan ke aru apuni khushi pora bhorta hoi.  David koi: “itu hi ase ahram ami laga dukh te; kile koile apuni laga kotha ami ke dishe jibon” psalm 119:50.

Itu pora lobo 40 ghonta pura bible poribole. Aru judi apuni pure khali ek ghanta karone porile bi apuni khotom kuribo paribo puri kene pura bible 40 din te. Nahoile 20 din te, judi apuni dui ghonta pure hodai. Ekbar apuni diye  bishi homoi puribole bible, itu pora apuni ke ahram dibo, utsah kuribo aru apuni laga atma laga jibon ke notun kuribo.

Chela paul pora likhe: ki saman junkhan likhi ken ease ami khan ke shikhibole, ki ami khan dhoyjyo aru ahram pobitro kotha laga dibo pare akha romans 15:4. Isor laga bcah khan, alag kuribi bishi homoi puribole nimite isor laga kotha ke aru puribi pura bible. Itu pora a puni ke dangor ahram dibo.

Aji bhabna kuribole laga pobitro kotha te hoile psalm 119:105 apuni laga kotha diya ase ami laga theng nimite aru ujala ase ami laga rasta te.