Jun 01 – AGEDIYA VUTEJAKO

Darshaner grandh 1:4-5  Margejena agediya vutojakon, dharathir Rajena sey palan karevalo Yesu Christhuthi, thamen krupan samadhan veda.

‘Margejena agediya vutojakon’ kan apaner Prabhu Yesu Christhun kemacha. Katho vu Prabhu aajethanu vathoi jeevatho ren shaswith vagi jeevaner adhipathi ven cha.

Hebrivalun 7:25 vachanema vujji vothi Dever dai jayevale vas vinanthi karena, vu hamesha jeevarojethi vunden puro rakvali Karen jorero cha kan kericha.

Thu agediya vutojakon, shaswith vagi jeevarojakon, hachethin bhalayithi ashis karevalo Deven stuthi veda kan aradhana karnu.

Adamethi Havvathi sey mankya marthey arech. Kunasiko yek rogethi admi maran jarecha Athoi nankya bepta pedavero mathram jadaj verich. Agediyaran demo prapancha yudhama samanyathi pakadan sainik phojevo sada karodema marge.

Siluvaparer Yesu Prabhu marojako gachabaj koni pan apaner vasu maran apaner vasuj pharan punaruthana vego. Hannu maran vutojema Yesu Christhuj agediya vutocha. Jesaruj punarudharana nireekshana vu Prabhumaj maicha.

Sare pather vidavar beta margo pharan araj kide jana vuto vor pacha Ajji margo. Eliya bhakthidhar araj kidojana Shunemiyu raler beta margojako jeevyayo Athoi pharan margo. Hannuj Lazar, Yaayirer beti, Nayaner beta, Dorca, Yatiacar, yeseji thodsek dader pacha marge. Jethi ye kuni agediya banchan vutejako koni.

1Corinthivalun 15:55 Ye moth thar kanto katha? Ye moth jeeth katha? Kan Yesu Christhur vathem dekacha.

Ajji jada dhyan Karen pado  Romavalun 8:11 Yesu Christhun mothemathi votadojako Athma thamar mayi vasarovatho thamsada vutocho.