July 30 – Janggardadage a Mandran!

“Bindo Janggarda taramtamdage a mandra kuddub janabanji _ a tarungnan rapti bitsarate, bindo buteja anin a dong a bitsaraben asan dane ted” (1 Korintian 2:15).

Baran ahangben apsele ateng hanadabanji daku orde voton atiytaben adnang sanedan abmele. Amben aboi bo surda baranji alumben dete doctor adeben delenden orde engineer adeben asan. Angante hanadabanji sanaisai kan ambrij ordardage abaranji abmele.

Ogandiba yan ambrij ahanadabanji do aman lumle raptite gamle, Kitungan amangban! Nami a dinna-linganji jajzngante ate gijtabe. ‘Hadabdage’ agaramgaman butente sanedan do hadab ambrij. Aparamangtan, anappai Pol idolle kan ambrij: “Anten asan hen, Gamangtung lingan a koijo maran.

Hen hangkilkiltaben do, ganudingan delabenan a tam ganudingan ambrij tungnadage hanaba, manan, kuddub janab lanagadan, lanabaddin batte do ateng-ayamsanayen batte tanimyim lingan amben a dile mandran arsayenaba”. Kitungan gudinglanten a O’ananji gamle, amangban adakunaben, a buhanangan do a gardin ambrij. Anin janang gudingte Sidrung-boige, Anin ampara arturdule adakunaben (Jon 21:18).

Kitungan janang gudingle yangan akampunle adakulenji adnanang janang, kan ordaran indrang gadile adnang, jajangante ate Anin gudingle Aninji kanalkal-lingan adakulenji adnang. Itenjanang ayamlen, Amben hadab adeben dete. Anab-bagu-lingan, amben Kristun a bangsa anoblingan abmele hadab adeben dete. “Kani satta itsum hen daku do, Kristun a bangsa anoblengan a tungna gangkil maranji ambrij amben a mandrengnan abhanaba (1 Korintian 11:31).

Tanahimdam Kitungan a onagji, gugudage asanabjasing maranji danakkun dele ruangan lingan Rajanji a Rajan. Ambendaman tungjingdamnaba, amben hadab aganben abmele orde itja. Agaja akaridadong anlen a tanakudba ardulaibe gamle.

Okiy Kinolbe absele: “Bar aninji Anin a d’ong ualle gamleji, E Hanghang Mar, yante gamle Aman roitaddage bernan opungte, do hanangan tiyte, bar buteja a d’ong a baiyera taramtaman asan aijae, bindo janardin batte Kitungan a godan hanghangte, antate anlen a galamtai” (Luk 20:21).