July 23 – SUNDARTA ATMA LAGA!

1 peter 3:4 “kintu hobole dibi itu ke luki thaka manu laga mon, logote oila hobole napara sundarta ekta norom aru chup atma, juntu ase biishshi kimti nazar te Isor laga”.

Tate ase duita kisimlaga sundarta ekta manu te:  bahari sundarta aru bhitoriya sundarta. Atma bohi ase bhitor te gau laga juntu dikkhe.a ru apuni jiyai gau te. Hobole dibi Isor Nijor hi sapha koribole apuni ke pura; aru hobole dibi apuni laga pura atma, mon aru gau bachi kene sundarta te tai laga pobitrota te!

Jjitya manu apuni ke sai, tai khan khali dikhe apuni laga bahari sundarta ke. Hoilebi khali jun khan ase usor laga rishta apuni logote, janibole pare apuni laga hosa laga vyabahar khan ke.

Manu phelai dangor poisa ke dikhibole bhal bahar pora. Tai phelai angor poisa daam laga kapra khan te, itar khan te aru inika hi anya saman khan te. Hoilebi tai kitya bi bhabna nakore sundarta ke bhala laga mau laga bhitor te.

Chela paul pora dikhai norom aru chup tahka atma ke ekta dangor moromial aru kimti nazar te Isor laga (1 Peter 3:4) apuni khan sundar bonabo lage apuni laga bnhitoriya manu ke norom aru thanda pora. Ekbaar bhabna koribi itu te. Gau ke dikhe, juntu bura hoio jabo ekta homoi te, itu bonibo komjur; biya hoi jabo aru  khotom hoi jabo. Hoilebi bhitor laga manu kitya bi komjur nahobo homoi jaile bi. Tai kitya bi bura nahobo aru biya nahobo.

Chela paul dhyan korishe bishi itu bhitoriya manu uporte bahariya manu pora. Tai koi, “judibi ami khan bahariya manu biya hoio ase, hoilebi bhitoriya manu notun hoi ase din proti din”. (2 Corinthians 4:16).

Hoi, kilekoile bhitoriya manu notun hoi din prati din, tai kitya bi a nahoi. Ami khan notun hoi. Dusra hobdo te, hodai din hi ami khan bodle. Jinika ami khan pai abhishekh ke Pobitro Atma laga bishi pora bishi bhitoriya manu te, ami khan bodle chavi te Krista Jisu laga.a ru aha ke Isor Jisu laga ami khan pura bodli hoi Tai laga chabi te.

Bahariya manu biya hoi jabo. Hoilebi bhitoriya manu pabo hodai din laga jibon ke. Chela paul pora koi, “kintu itu tte ami khan kande, utsukta pora icha kore kapra lagabole amikhanlaga adot khan pora juntu ase swarg pora. Kilekoile ami khan jane ki judi ami khan laga prithibi laga ghor, itu tripol, biya hoi jai ami khan ase imarat isor laga, ekta ghor hath pora bona laga nahoi, hodai din karone swarg te” (2 Corinthains 5:2,1). Isor laga bacha khan, nasabi samn khan te itu prithibi laga, holebii sabi saman khan  t upor sarg laga.

Aji dhyan koribole laga pobitro kotha tu hoile 2 Corinthians 4:18 “kintu saman khan juntu dikhe ase ekbaar nimite, holebi sman khan juntu nadikhe ase hodai din laga”.