July 22 – NIRBHAR KORA ATMA UPORTE!

Romans 8:2 “kintu niom Atma laga jibon Krista Jisu te bonaishe ami ke azad niom pora paap laga aru mora laga”.

Ekbar ekta jawan bhag loishe revival camp te. Hekh te camp laga, taijaishe pastor usor te jun rakhishe itu camp ke aru koishe tai laga samasya ke; juntu paap usorte ase. Tai dhuri kene thakishe dukh te aru hudishe, “judibi ami kore iman kuchis, kile ami napare jitibole paap laga porikha khan ke?”

Itu laga jawab te Psator pora koishe taike, “apuni laga sawal te hi jawab ase samasya laga. Apuni koi ken ease apuni laga nijor kuchis ke. Manu laga kuchis pora apuni  kitya bi naparibo jitibole paap ke. Itu karone, nakura hoi jabi kuchis nijor pora, hoilebi nirbhar koribi tagot te Pobitro Atma laga. Isor bi koishe ki itu mumkin nahoi shakti pora nahoilebi tagot pora, hoilebi khali Atma pora Isor laga”.

Prithibi, te ase prakritik  tgaot tanibole saman khan ke niche gravity pora. Judibi itu pathor ase nahoilebi ekta saman, itu pora tanibo niche. Itu hi ase niom prakriti laga. Itu nishina, paap aru lobh icha khan paap laga bi tanibo manu ke tai khan phine. Satan aru tailaga duth khan bi tane manu ke mora jag ate.

Apuni hudibo lage  judi apuni giri thakibo naki. Itu mumkin nahoi apuni bachibole itu shakti khan pora ji pora apuni ke tane? Ahibi ami apuni ke ekta rahasya kobo. Bhabna koribi ekta hawaijahaz ke. Itu  te thakibo ekhazar tok yatri khan, tai khan laga saman aru cargo, aru itu uporte hazar litres laga tel. itu sob bhar pora bi hawai jahaz tu uri bole pare prikritik shakti niche tanile bi gravity karon te aru ure ucha akash te.

Kile shakti gravity laga napare rukhabole hawai jahaz ke? Itu kilekoile hawai jahaz laga engine bishi tagot ase prakritik gravity laga shakti pora bi.itu karone itu bhangabole pare gravity ke aru ucha ure.

Itu nishina hi, Pobitro Atma thake apuni te ekta bhari envgine nishina. Tai ase swarg laga kopu. Jtya Tai thake mon te ekta manu laga, Tai modot kore utu manu ke bhangabole azad hoi kene sob shati pora paap laga aru urai apuni ke uchai te. Itu paap khan ase ekbaar laga anond juntu apuni ke bandhi rakhibole napara hoi jai. Isor laga bacha khan, Atma jibonlaga Krista Jisu te hosabi, bonaishe apuni ke azad niom pora paap aru mora laga.

Aji dhyan koribole laga pobitro kotha tu hoile Galatians 5:17 “kintu gau laga lobh khan ase khilafte Atma laga,a ru Atma ase khilaf te gau laga;a ru itu khan namile ekjon dusra jon ke, ki apuni nakoribole saman khan ke juntu apuni icha kore”.