July 20 – Janggardan a Sangdrangan!

“Bindo angante Janardin a Janggardan yertai, seletten Anin kuddub janardi lingan abanjengtaben;…… do itente a tiki yertai antate abmele Anin oblengtaben” (Jon 16:13).

Kan berna-lingan, ‘jontunji’, a garamgaman jolda hangantiy-maranji abmele gadlamte. Anappai-maranji ayam-lingan, ateng janoldan hanangtiy-maranji dakule.

Sadukinji bo ompu, gamleji yanarmengan agasa, kznoraihan do sonumanji agasa. Bo bigarda ompun, gamleji ganadreban, kanuban do papwr anosaijan ambrij alumben dete. Namitan mandranji adgalameji Kitungan Jisu Kristun abmele.

Anappai Pol Episi gardaban kan ambrij jolda hanangtiy-maranji batte sanuneten. ‘Jontun’ aboi jolda Kristunji, do ateng anidolan delen kan jontun gamle anabpungge kambol-lingan. A surda-lingan, anlen kznoltabe: “Bar ganingan saring a dunglen a jontun a d’ong hen gijla. kidan a t’odge gittale

Anin a ranaptin, a raja garobgoban do a gugu danen surda j’adan a d’ong tiyeten. Ganungan saring ateng jontunji ayirtaihji ambrij, ateng janolda hanghangan do er bangsa hanangan yaryarmanengban daku, bo surda sanonsodage abgijtaten ambrij. Jolda hananghangan, anappai Jon gadlamte d’onglen (Luk 12:12).

E timyim maranji, dile janggardan a bernan  a derdongne, bindo janggardanji Kitungan saring orde, antate a galamben asan janggardanji a d’ong tungjengba. Iten asan gamlenden ateng jolda tungmadgij maranji ordarban dunglen yerraiji. Kan batte amben Kitungan a Janggardan a d’ong abmadte do, Jisu Kristun d’ong lingan yeraiten, gamle abpengbaten a dile  janggardan.

Kitungan saring dele. Bar Jisun a d’ong adnabpengbaen a dilejanggardan Kitungan saring ted (Anappai 13:2). Kanate asanggem-Kristun a janggardan na.

Anin yertai, do namintan ordar lingan andreng daku, gamle amben amdangle. Bogad amben adsanulenanden janoldan hangang abmele, kan batte ateng mandranji san’idan dete. kan a hangan batte erbangsagodban anurungan dete nami a Kristu-maranji a d’ong.

Aninji butente janggardadage ertulan daku do butente bigardanji a d’ong sarigoi adnabhanae.  Kani satta itsum hen daku do, Kristun a bangsa anoblengan a tungna gangkil maranji ambrij amben a mandrengnan abhanaba, yante gamle hen iyan iyle d’ong ben gijlaienden.

Orde adamban er dakulenbe, engale amben bo janggarda lingan erztnage tanangan tanangle, bo pwrardan batte bangsa anoblengan a dernan apsele anrukkun a erte a guijte (Anappai 8:26). Tanahimdam Kitungan a onagji, bogad amben aagarberben dete sarigoi ahangan ahangben abmele.

Okiy Kinolbe absele: “Amben jandrumsengban orde kandrabardisengbanda lartenan adnang, seletten l’ud-ben kandungba- ben saring kan a bernan amdangte, Kani na godan; kani lingan hanaba” (Jisaiya 30:21).