July 20 – ATHMARO AATO

Yohan 16:13 Sathero Athma avajana, vu soli sathema thamena chalavacha, Vorvuj vathekareniju vu samalojena sey Ken, avajako khabarena thamena malam karacha.

Thona chalayevalon samjayevalo ratho ajji thar dallema chajako bhari seji vutharjavacha. Abba vuncho vanchejako vachanema Pavithar Athmaj kalenijena kalavachan, ajji samjhayevalo cha Kan dekacha.

Thodsek vagathema apan kannai puchajakoj malamcheniju puchu karacha. Apaner gen parimithi chajethi kunas  vaatema chalnuko malam padeni.

Pavithar Athma sarvagnani chajethi apaner jeevaner agediyathi pakadan akharithanu chal chalanin seji malamcha. Vona apaner vatema kai hachoballa sejini hacho malam chajethi kunas vaatema chalnuko vuj chalavacha. Vu Athmaj chalavatho vu chodeniju vu Prabhur vatema chalathanu nithya jeevamema lejavacha.

Pavithar Athmar sopthi hamesha apaner vacha rero kathraiko nasheeb malich kunika. Ajji vanchatho vu Athmaj kunas vagathema kassek vath karnuko sikhavacha Kan Luka 12:12 dekacha.

Vu Athma genidhar vathe karajethin jada genethi vathekaraju chalavacha. Yenaj Pethru  vathe kidojana dekacha. Vonaj Aposthaler Kam 13:2 yee Athmar genen Paul ajji Barnabana sada chalayo Kan dekacha.

Thu kannavatho yee Pavithar Athmana havaal karlastho thon sada vu Alpha Omega ven chajako Athma thona chodeniju mundagaj chalalacha.

Aposthaler Kam 8:26 Pacha Dever soja Philipplena- thu vutan dakshinamesaam Yerushalemethi Gazaana jaayer patarer vaatvena jokan ko.

Ajji jada dhyan karenpado Yeshaya 30:21