July 17 – CHIN ATMA LAGA!

John 14:16 “aru Ami prathana koribo Baba ke,a ru Tai pora dibo apuni ke dusra Modotkar, ki Tai thakibo apuni logote hodai din karone”.

Ami khan laga Isor Jisu Modotkar ase. Aru Tai pora porichay korishe ami khan ke dusra modotkar: Pobitro Atma. Tate bisi chin khan ase koi kene Pobitro kotha te Pobitro Atma laga. Jitya apuni dhyan kore utu chin khan te, itu pora dibo ekta gehra buja Atma laga;a ru modot koribo apuni ke thakibole ekta usor laga rishta Tai logote.

Chela Paul icha kore janibole bishi isor Jisu Krista ke. Tai koishe, “hoilebi hosabi ami ginti kore sob saman khan ke hari ja uttamta karone gyan laga Krista Jisu laga ami Isor” (Philippians 3:8). Pura lakshya tai jibon laga thakishe janibole Krista ke.

Pobitro Atma ase kom jana laga Vyakti itu Pobitro Trimurti te. Kunuba manu khan mane Tai ke ekta luki thaka Vyakti Trimurti te. Pobitro pondit khan bhabna kore inika kilekoile Pobitro Atma nakore kotha kitya bi Nijor laga hoilebi kuchis kore mahima koribole Baba aru Putro ke. Hoilebi judi ami khan porhe kotha ke Isor laga aru dhyan kore, amikhan buje ki shakti; tagot ; uphar; phal aru visheshtha Pobitro Atma laga dwara Tai laga chin khan laga.

Udharan hisab te, jitya bi apuni bhabna kore Baba Pormeshwar laga, ami khan dikhe chavi ke ekta dangor chil laga ami khan mon te. Jitya apuni bhabna kore isor Jisu laga, apuni tahkibo chavi ekta memna laga mon te. Itu nishina hi, tat ease bishi bhabna kora khan koi kene  Pobitro Kotha te Pobitro Atma laga. Tai ase ekta kopu nishina; jinika khai thaka jui; jinika tagotwar hawa; jinika mohar zimedari laga; jinika tel; jinika pin.

Itu khali ami khan laga bhal buja nimite ki itu bhabna khan nahoilebi tulna khan dishe ami khan ke. Judi apuni loi ekta hira udharan hisab te, tate bishi chehra ase hira laga, juntu milai itu laga sundarta te. Hoilebi ekta chehra thaka pathor hobo napare hira. Khali jitya itu ke dikhe sob chehra te itu laga sundarta aru chamak hira laga ahibo.. itu nishina hi jitya apuni sai sob bhabna khan te Pobitro Atma laga, apuni gehra aru thik buja hobo lage tai laga vyabahar laga.

Isor laga bacah khan, janibi bishi Pobitro Atma laga.a ru bonabi tai ke apuni laga niji Modot kara aru salhakara.a ru jabi gehra atmakarik anubhav te Pobitro atma logote.

Aji dhyan koribole laga pobitro kotha tu hoile John 14:17 “Atma hosa laga, jun prithibi pabo napare, kilekoile itu taike najane aru nadikhhe, hoilebi apuni jane tai ke kilekoile Tai thake apuni te aru thakibo apuni logote’.