July 15 – MAHETVAPURN ATMA LAGA!

Galatians 4:6 “aru kilekoile apuni ase putro khan, Pormeshwar pora pothaishe Atma ke Tai laga Putro laga apuni laga mon khan te, kandi kene, “Abba, Baba!”.

Baba Pormeshwar, Tai laga morom te, dishe ami khan ke Pobitro Atma. Aru Pobitro Atma dwara, Tai dishe ami khan sob ke ashirbaad khan uncha pora. Hoilebi itu biya ase sabole ki bishi jun khan najane mahetvapurn ke atma aru cholabole Pobitro Atma ke tai khan laga jibon te.

Ekbaar ekta botanical researcher, nirmaan korishe ekta notun jati aam laga. Tai uphar dishe utu duita kisim laga anya jati te tai laga sathi khan ke. Poila manu loishe bhal pora saishe utu gash ke; tai rakhishe itu ke tai laga bagicha te; khad dishe; pani dishe; aru sob bhal pora saishe. Itu laga natija, utu paudha tu dangor gash hoishe;a ru dishe bhal phal khan ke hazar te. Hoilebi alag manu jananai itu khal kisim ke utu gash laga. Toh tai lagaishe utu ke ekta kona te aru bhal pora sanai itu ke. Aru homoi jai kene utu gash tu morishe. Jitya botanical expert pora dikhishe utu gash ke,tai iman mon dukh hoishe.

Isor pora dishe  ami khan ke iman khas aru kimat nathaka Pobitro Atma apuni ke. Hoilebi bhabna koribi ki apuni koribo itu kimti Pobitro Atma logote. Ki apuni anibhav  aru anondo pai sob labh khan te aru bharpurn khan te utu Pobitro Atma laga? Na ki apuni Tai ke ini rakhi tahke?

Sabi jibon ke Isor Jisu Krista laga.tai ahram pora jitishe paap laga porikha khan ke Tai laga jibon te kilekoile Tai bhorta thakishe Pobitro Atma logote. Tai bondh koribole parishe biya atma khan ke aru korishe hazarta achurit kaam khan ke. Anugrah Pobitro Atma laga loi kene Tai bujibole parishe mon khan ke manu laga; Tai shakti hnoi kene prachar korishe susmachar ke; aru salhakar hobo parishe nirantar.

Poila laga chela khan bhorta thakishe PObitro Atma pora aru kilkeoile utu shakti pora tai khan bachabole parishe hazarta atma khan aIsor nimite; tai khan praman dishe ki Jisu ase Isor aru udhar karta;a ru chin aru achurit kaam dwara tai khan kotha kobo parishe gentiles khan ke isor laga Kotha ke.

Aji apuni bi pasihe utu iki Atma ke. Hoilebi kinika apuni itu ke kaam koribole diye? Kunuba khan harishe mahima dibole isor ke tai khan laga gau te aru atma te, juntu ase Isor laga (1 Corinthians 6:20). Kunuba khan bujhi jaishe Atma te (1 Thessalonian  5:19). Kunuba khan dukh kori dishe pobitro Atma ke Isor laga jun ke rakhishe udhar laga din pora (Ephesians 4:30). Kunuba khan harishe  bujibole ki tai khan laga gau ase mondir Pobitro Atma laga (1 Corinthians 6:19). Aru kunuba khan  harishe dibole nijor ke Pobitro Atma te,a ru berabole Atma te (Galathians 5:16).

Isor laga bacha khan jani thakibi mahaanta ke Pobitro Atma laga; Tai laga anugrah laga;a ru tai laga kimat nathaka uphar tai maujudgi laga.a ru berabi Atma te aru loi jabi nijor ke Tai dwara. “bhorta hobi Atma logote; kibi ekjon dusra  jon ke psalms aru hymns khan aru atma karaik gana khan, gai kene bhal dhun apuni laga mon te Isor ke” (Ephesians 5:18-19).

Aji dhyan koribole laga pobitro atma tu hoile Acts 1:8 “hoilebi apuni pabo shakti ke jitya Pobitro Atma ahe apuni te;a ru apuni hobo gawahi Ami ke Jerusalem te,a ru sob Judea aru Samaria te, aru hekh tok prithibi laga.