July 15 – ATHMAR PRAMUKHYATHA

Galathivalun 4:6 Vujji tham bepta chohethi- Bapu, Mar Bapu Kan balayena Dev vor Betar Athmana thamar dallema melocha.

Bap Dev Vor Premethi Pavithar Athman demelocha. Yee Pavithar Athmathij Dev vuncher sey thara ashisen demelocha. Lapan jada manikyan Pavithar Athmar pramukhyathana vunder jeevanema vu savaaden malam karmelo konthi.

Yek Jhadepar parishodhana karevalo vor dee dosthivun balathanu dee naater jhader molakana dino. Vundema yeklo vu jhader molakana yek hachas jammima gaadan vu vaddesaru kai chavnuko sejini ghalan deklido jethi vu jhad hachethi vadgo. Ajjeken dekatho vu vo molakana hachaj chenijako jammima gaadan vona chavnujako sammorethi deklidokoni. Jethi vu molaka akharima sukhagi.

Hannuj mar Premevalavo tham Pavithar Athma dajako preethina tham kannai kamjorethi dekanaju khyalethi rakaldenu. Vuj Pavithar Athma tharema naratho Athmar varal renijethi thona phalnu kajako malam veniju vu Athmathi avajako preethina valakeseni. Yee dusar janner vacha Dever vathen thu kaanaj deseniju rechi. Jethij Aposthal Paul 1 Corinthivalun 6:20 Tham mothethi molagejethi thamar jeevadathi Devena mahima karo Kan kacha. 1 Thessalonika 5:19 vachanema thodsek admivo yee Pavithar Athmana vola nakecha. Ephesivalun 4:30 vachanema thodsek  vujji rakvaali Dadevaas  Kan mudra maraaldejako  yee Pavithar Athmana dhukka ghalrecha, ajjek 1 Corinthivalun 6:19 vachanema ham Dever Deval cha kajako bhulgecha. Galathivalun 5:16 vachanema chaju ham Pavithar Athma chalavaju chalan vor aduguma dhap ghalan javunu kajako bhuljan banchrecha.

Ajji jada dhyan karen pado  Aposthaler Kam 1:8