July 14 – ATHMATHI DEVER PREETHI

Romavalun 5:5   Kassen katho- apanen malojako Pavithar Athmathi, Dever prema apaner dallema vundaan chajethi, vu bharoso apanen laazema jayedeni.

Ohoo, apaner dallema vundamelojako Dever premena dyan karero  kathra moto nasheeb malicha.

Yee Dever Premen Prabhu Pavithar Athmar abhishekamethi apaner dallema savaad karaju demelocha. Yeej Dever premethi ajjeken prem karan vunden Christhur vacha laavnu.

“Dever prema apaner dallema vundaan cha” kajako yee vathen dhyan karatho,  vu preethij Dever dallemathi aayijako cha, voma  Dever gun cha ajji thyaga cha, vonaj “Agape” Greek vathema balavacha. Yeej Agape premen Dev apaner dallema vundamelojako.

Christhuvaler jeevanema yee Dever premena kaachema dekaju ajjeken dekalnu lagacha. 1 Yohan 4:7-8 Premevalavo, apan yekkena yek prem kara, kassen katho- prema Devethi ayicha, Prem karevalo heryeki Devethi pedavena vona malam karlacha. Devaj prema, prema chenijako Devena malam karleni.

Dev premen dekalan kathra Asa karachko athraj asathi  thu sada dusaren vu premen dekalnu Kan kelerocha. Jethij Dev Pavithar Athman dethanu vu Athmathi vu Dever premena valakan vuj premena ajjekeni dekalnu Kan  demelocha.

1 Pethru 1:22 Jethi tham Bana kapatethi bhayir premethi Rena, sathena maanan thamar Athmana pavithar karlidejethi, puro dallethi yekken yek prem karo Kan Aposthal Pethru kerocha. Romavalun 5:5, YOHAN 7:38  vachanema Dever prema apaner dallema vundaan vu jeevaner nandir nai apaneremathi porlan javaju karacha Kan vanchacha. Yeej Athmathi apan bharan rematho ajji apanen kuni prem karenithoi, apaner vyarivupar sada yee Dever premena dekalacha.

Luka 23:34 vachanema apaner Prabhu Yesuna dekatho kathraiko jada khamer hathayeni jathra velabhaveti ghalethoi, Bapu, yindena maap kar ye karrejako kaikan kaleniju chakan Kan ko.

Ajji jada dhyan karen pado Romavalun 5:8 Apan papi vethejannaj Christhu apanervas maro jethi, Dev apaneparer premena dakalacha.